Apeqquteqarfik

◼ Ilagiinnut ilanngutiteqqinneqartoq nalunaarutigineqarpat ersaartaatigissallugu naleqquppa?

Jehova Guutip ilumoorluni ilalaarnerata ajortuliortut peqqissimisut tassunga iluarisaaqqilerlutik ilagiinnut ilanngutiteqqissinnaallugit periarfissippai. (Tus. 51:14, 19) Taamaattoqaraangat ilumoorullugu peqqissimisunut asanninnerput takutissallugu kajumissisinneqartarpugut. — 2 Kor. 2:6-8.

Naak ilaqutaq imaluunniit ilisarisimasaq ilanngutiteqqinnera nuannaarutigigaluarlugu ilagiinni nalunaarutigineqarpat nipaatsumik ataqqinnissutsimik ingerlanneqartariaqarpoq. Napasuliaq Alapernaarsuiffik-mi 1. oktoberi 1998-meersoq qupperneq 17-mi allassimavoq: „Eqqaamaneqartariaqarporli ilagiinniittut amerlanersaasa anisitaasimanermut ilanngutitinneqarnermullu pissutaasut nalugaat. Aamma ilaat immaqa sivisuumik unioqqutitsisimanermit eqqorneqarsimapput immaqalu suli eqqorneqartarlutik. Unioqqutitsisup peqqissimisup ilanngutitinneqarnera nalunaarutigineqarpat, naleqqulluartuussaaq kingorna aatsaat toqqaannartumik oqaloqatigigaanni nuannaarneq ersersillugu.“

Naak sallusuissutsimut uteqqinnerat nuannaarutigigaluarlugu ilanngutiteqqinneqarnerat pillugu ersaartaatissallugu naleqqutinngilaq.