Apeqquteqartarfik

◼ Angajoqqaat meeqqatik oqaluussinermut peqataagaangata suut eqqumaffigisariaqarpaat?

Angajoqqaat kristumiut meeqqamik nutaarsiassamik nuannersumik oqaluussinissamut peqataanissaat isumagisarpaat ilinniartillugillu. Ilanngullugulu oqaluussiffigisami, allaat oqaluussiffigisami naviananngitsutut isigineqartumi, navianartuusinnaasut pissutigalugit eqqumaffigisariaqarpaat. Meeqqat annertunerusumik persuttarneqarnermik kinguaassiuutitigullu atornerlunneqarnermik eqqugaasarput kinguaassiuutit tungaasigut ileqqorlunneq ’ullussani . . . ajornartuni nalliussimasuni’ inuunitsinnut nalunaaqutaasut pissutigalugit. (2 Tim. 3:1-5) Angajoqqaat meeqqatik ajortunik siunertaqartunut illersorniarlugit naleqquttunik iliuuseqartariaqarput. Qanoq iliorsinnaappat?

Biibilip ilisimassummik siunnersorpaatigut mianersorluta pissasugut aammalu navianartuusinnaasut sillimaffigissagivut. (Uss. 22:3; Mat. 10:16) Maani malittarisassaliornianngilagut, kisianni silatusaarnerussaaq angajoqqaat inersimasulluunniit allat meeraq oqaluusinermi ilagippassuk. Oqaluussisartut inuusuttut pisinnaalluartut suleqatigiippata siunnersuutiginassaaq angajoqqaat arlaat imaluunniit inersimasup allap oqaluussinerat tamaat malittarippagit. Meeraq peroriartortillugu akisussaassusermillu takutitsinerulersillugu, soorunami angajoqqaat aalajangersinnaavaat nakkutiginera pisariaqarpallaarunnaarnersoq. — Takuuttaaq ’Apeqquteqartarfik’, Rigets Tjeneste-mi oktobari 1992-imoortumi.

Oqaluussitilluta sumiikkaluaruttaluunniit pisuinnarluta imaluunniit biilerluta mianersortariaqarpugut. Naleqquttunik iliuuseqarnitsigut mianersortuunitsigullu uagut ajoqusernissarput allallu ajoqusernissaat pinngitsoortissinnaavavut.

Inuusuttut ’Jehovap aqqata unnersiutiginissaanut’ peqataasariaqarput. (Tus. 148:12, 13) Oqaasii iluarinartut kiffartuussinerminnilu pissuserissuunerat allat killinneqaatigisarpaat Jehovalu unnersiutigalugu. Angajoqqaat, ilissi meeqqasi akuttoqatigiissumik tusagassamik nuannersumik oqaluussinermi peqataanissaannut ikiortariaqarpasi, peqatigitillugulu navianarsinnaasunut illersornissaat eqqumaffigalugu.