Nalunaaquttap-akunnerinik pioneerinut piumasaqaataasunik allannguineq
1 Pioneerit ikiorti-pioneerillu akornatsinniittut tamaasa pingaarteqaavut. Allaat annikitsumik oqaluussisarfilimmi, imaluunniit oqaluussisarfinni akulikitsumik angalaarfiusartuni, pioneerit eqiasuillutik oqaluussisarnermikkut maligassiuilluartuupput. Oqaluussisartunik allanik kajumissaarisarsimapput ’pissaqaqqusaasunik’ ujarlernermi ulapputeqarnissamik. — ap. sul. 13:48.
2 Peqatigiiffiup malugisimavaa pioneerit ajornartorsiutaat annertusiartuinnartut, ingammik imminnut pilersorsinnaajumallutik piffissarlu tamaat oqaluussisartutut ingerlaannarsinnaajumallutik ullup affaannaani suliffissarsinissamut atatillugu. Aammattaaq nunat ilarpassuini ullumikkut aningaasatigut ajornartorsiorneq pissutaalluni allanut pioneerinngornissaq ajornakusuulersimavoq, naak annertuumik taakkunannga kissaataagaluarluni. Qaammatini kingullerni tamakku allallu isumaliutigeqqissaarneqarsimapput.
3 Tamakku eqqarsaatigalugit Peqatigiiffik aalajangersimavoq nalunaaquttap-akunneri pioneerinut ikiorti-pioneerinullu piumasaqataasut ikilisinniarlugit. Ukioq 1999 aallarnerfigalugu qaammammut nalunaaquttap-akunneri pioneerimut nalinginnaasumut piumasaqaataasut 70-iulissapput, imaluunniit ukiumut nalunaaquttap-akunneri 840-t. Qaammammut nalunaaquttap-akunneri ikiorti-pioneerimut piumasaqaataasut 50-iulissapput. Nalunaaquttap-akunneri specialpioneerinut ajoqersuiartortitanullu piumasaqaataasut allanngussanngillat, oqaluussillutik ajoqersuganngortitsiortorlutillu suliaminnut aallussilluinnarsinnaaqqullugit inuuniarnerminni pisariaqartunik pissarsisinnaaqqullugit Peqatigiiffimmit ajunngitsorsiassaqartitaammata.
4 Neriuppugut nalunaaquttap-akunnerinik piumasaqaataasunik allannguineq tamanna pioneerit amerlanerusut kiffartornermi immikkut ittumi tamatumani ingerlaannarnissaminnut iluaqutigissagaat. Qularnanngitsumillu oqaluussisartut amerlanerusut pioneerinngornissaannik ikiorti-pioneerinngornissaannilluunniit ajornarunnaarsitsissaaq. Aaqqissuussaq nutaaq tamanna qularnanngivissumik ilagiinniittunut tamanut assut qiimmassaataassaaq.