Nalunaarutit

◼ Neqeroorutit: Aggusti: Atuagassiaaqqat 32-nik quppernillit: Asasamik toqusoqaraangat, ’Ata! Suut tamaasa nutaanngortippakka’, Guutip ilumut soqutigaatigut?, Inuuneq sumik siunertaqarpa? Qanoq ililluni nanineqarsinnaava?, nâlagauvfik pâratîsimik pilersitsiumârtugssaĸ, nuname inûneĸ nâgssáungitsumik nuánârutigiuk!, Toqusimasut anersaavi — ilinnik ikiuisinnaappat imaluunniit ajoqusiisinnaappat? Septembari: Ilisarsineq inuunermut naassaanngitsumut sammisoq. Oktobari: Napasuliaq Alapernaarsuiffik aamma Iteritsi! Novembari: Ilisarsineq inuunermut naassaanngitsumut sammisoq.

◼ Ilagiit tamarmik naqitanik peqqumaatinik nalunaarsuiffinnik pingasunik (S(d)-18-D) nassinneqassapput. Ilagiinni allatsip aggustimi piaartumik atuakkialerisoq naapeqatigisariaqarpaa isumaqatiginiarlugu qaqugu ilagiit aggustip 31-anit naqitanik peqqumaataannik kisitsisinnaanerlutik. Naqitat ilagiit peqqumaataat tamarmik kisinneqassapput, peqqumaatinillu nalunaarsuiffimmut allattorneqassallutik. Atuagassialerisoq atuagassiat peqqumaatigineqartut amerlassusiannik paasissutissiisinnaavoq. Eqqaamallugu peqqumaatinik naatsorsuutit Peqatigiiffimmut Holbækimiittumut kingusinnerpaamik 6. septembari nassiunneqassammata. Nalunaarsukkap kopiia ilagiit toqqorsiviannut toqqorneqassaaq. Pingajuat kladdetut atorneqarsinnaavoq. Allatsip atuakkanik kisitsineq nakkutigissavaa, peqqumaatinillu kisitsineq tamarmi nakkutilliisumit siulittaasumit misissoqqissaarneqassaaq. Nalunaarsuut allatsimit nakkutilliisumillu siulittaasumit atsiorneqassaaq.

◼ Ilagiit tamaasa qinnuigissavavut ullormut allassimaffinnik, atuakkanik ukiumoortunik qaammatisiutinillu 1999-imoortunik inniminniissutinik nassiusseqqullugit. Inniminniissut kingusinnerpaamik 1. septembari 1998-imi Seltersimi immikkoortortaqarfimmut apuutereersimasariaqarpoq. Oqaatsinut sunut pineqarsinnaanersut qatanngutinut atuagaasivimmiittunut paasiniarneqarsinnaavoq.

◼ Ilagiit kiffartorneq pillugu ataatsimiititaasa nalinginnaasumik pioneerinngorniarluni qinnuteqaatit tamasa ingerlaannaq suliarisassavaat. Oqaluussisartup nalunaaquttap-akunneri angusassani angusinnaanerai takoqqaarniarlugu qinnuteqaat uninngatinneqartassanngilaq. Ulloq pioneeritut aallartiffissatut kissaatigisaq qaammammik ataatsimik sioqqullugu qinnuteqaat Peqatigiiffimmut nassiunneqangippat ingerlaannaq qaammammut tulliuttumut allanngortinneqassaaq. Kingumoortumik atuutilersitamik pioneerinngortitsineq immikkorluinnaq ittuni taamaallaat pisarpoq. Taamaattoqarpat qinnuteqaammut ilanngullugu allagaqartoqassaaq. Takuuk Rigets Tjeneste-mut aggusti 1986-imoortumut ilanngussami immikkoortut 24-26.

◼ Angajoqqaatut oqartussaanermut meeqqanillu najorteqarsinnaanermut atatillugu inatsisitigut ajornartorsiutillit uppinngitsunik nalunaajaasuusimasunilluunniit akuliusimasoqartillugu, utoqqaanertat aqqutigalugit Peqatigiiffiup allaffianut Holbækimiittumut atassuteqaqquneqarput.