Nalunarutit

◼ Kalaallisut neqeroorutissat: Juuni: Inuk inuit inuusimasut pingaarnerpaartaat. Juuli aggustilu: Atuagassiaaqqat 32-nik quppernillit: Asasamik toqusoqaraangat, ’Ata! Suut tamaasa nutaanngortippakka’, Guutip ilumut soqutigaatigut?, Inuuneq sumik siunertaqarpa? Qanoq ililluni nanineqarsinnaava?, nâlagauvfik pâratîsimik pilersitsiumârtugssaĸ, nuname inûneĸ nâgssáungitsumik nuánârutigiuk!, Toqusimasut anersaavi — ilinnik ikiuisinnaappat imaluunniit ajoqusiisinnaappat? Septembari: Ilisarsineq inuunermut naassaanngitsumut sammisoq.

◼ Juunip aallaqqaataani imaluunniit ullup tamatuma kingorna piaarnerpaamik ilagiit naatsorsuutaat nakkutilliisumit siulittaasumit imaluunniit taassumannga toqqakkamit kukkunersiorneqassapput. Kukkunersiorneqareerpata ilagiit tamatuminnga nalunaarfigineqassapput.

◼ Utoqqaanertat pioneeriusut Naalagaaffimmut Kiffartornermik Atuarfimmiissimasut ukiumut kiffartorfiusumut 1997/98-imut nalunaaquttap-akunnerinik 1000-inik piumasaqaammit nalunaaquttap-akunneri 15-it ilanngaatigisinnaavaat.

◼ Naalagaafimmut Kiffartorneq-mi apriilimoortumi nalunaarutigineqareersutut cd-rommeq aaqqissuuteqqitaq, Watchtower Library 1997, oqaatsinut qulaaluanut suliarineqarsimavoq. Eqqaamajuk Peqatigiiffiup cd-rommia oqaluussisartunuinnaq atorneqartussiaammat, assersuutigalugulu atuarfeqarfiit atorniartarfiinut imaluunniit Jehovap Nalunaajasuinik soqutiginnittunut tunniunneqassanngimmat. Cd-rommi ilagiit aqqutigalugit taamaallaat inniminnerneqarsinnaavoq.

◼ Kiffartornermik nakkutilliisup taavalu kiffartornermut ataatsimiititaliameersut ilaata juunip qeqqata missaani ilagiit atuakkamik atuaqqissaaqatigiinneranni aqutsisut ataatsimeeqatigissavaat aasaanerani oqaluussisartut aaqqissuulluagaasumik kiffartorsinnaanerannut ikiorniarlugit.

◼ Nuannaarutigalugu nalunaarutigissavarput ulloq immikkut kiffartuussiffissaq tassaassammat arfininngorneq 3. oktobari. Maannangaaq oqaluussisartut oktobarimi ikiorti-pioneeriusinnaanerminnut periarfissaqarnerlutik eqqarsaatigeqqullugu kaammattorniarpavut.

◼ Pioneerimik ilagiinnut nuuttoqarpat allatsip Peqatigiiffik ilisimatissavaa pioneerillu kinaassusiata allagartaa nassiutissallugu. Paasissutissaq ilagiit qaammammut nalunaarusiaata (S-1-D) tunuata tungaanut allanneqarsinnaavoq. Pioneeri kinaassutsimik allagartamik nutaamik taava nassissavarput. Pingaaruteqarpoq Peqatigiiffik piaartumik ilisimatissallugu paasissutissat kingulliunerusut piginiassagatsigik.