Allat tuppallersaatissamik nassaarniarneranni ikiukkit
1 Inuppassuit ajunaarnersuit, sorsunnerit, pinerlunniartarnerit naalliuutillu tusakatalersimavaat. Inuiaat tuppallersaatissaq pisariaqartippaat, tamannali nutaarsiassani saqqummersinneqarneq ajorpoq. Tuppallersaaneq tassaavoq „nakussatsitsineq neriuutissaqartitsinerlu“ aammalu allat „aliasunneranni ajornartorsiorneranniluunniit ilorraallatsitsineq“. Jehovap nalunaajaasuisut inuit tamatuminnga ikiornissaannut periarfissaqarluarpugut. — 2 Kor. 1:3, 4.
2 Atuakkat Biibililersaarutit juulimi aggustimilu neqeroorutigisatta sallusuissummik tusarliussaq tuppallersaataasoq imaraat. (Rûm. 15:4) Naak atuakkat taakku nutaavallaanngikkaluartut pingaaruteqarsinnaanerat sumiginnarneqartariaqanngilaq. Ilumoortut pingaaruteqartut Biibilimeersut imaraat tassanilu tunngavilersuutit atorluarneqarsinnaapput. Siunnersuutiginiarparput atuakkat marlukkuutaarlugit neqeroorutigineqarnissaat, immaqalu saqqummiusseriaaseq manna atorsinnaavat:
3 Atuagaq „Lad dit rige komme“ atorumagukku ima aallarniisinnaavutit:
◼ “Kutaa, . . .-mik ateqarpunga. Qularnanngitsumik qinnut Ataatarpooq nalunngilat, eqqarsaatiginikuuiulli suna qinnutigisaripput oqaraangatta ’naalagaaffiit tikiulli’? [Pulaagaq oqaaseqarli.] sarĸúmersitat 21:3, 4-mi tamanna akineqarpoq. [Atuaruk oqaaseqarfigalugulu.] Isumaqarpit piviusunngorumaartoq? [Pulaakkap oqaasii tusarnaaqqissaakkit.] Malugiuk versi 5-imi qanoq allassimasoqartoq. [Atuaruk oqaloqatigiissutigalugulu.] Atuakkami matumani takutinneqarpoq sooq aatsaannguaq atuakkatta piviunngortinneqarnissaa upperissallugu pissutissaqarluartugut. [Kapitali aalajangersimasoq innersuussutigiuk atuagarlu neqeroorutigalugu.]“
4 Aamma ima oqarsinnaavutit:
◼ „Oqalugiaatit tusaamasaanerpaartaat nalunngiliuk? . . . Jesusip qaqqami oqaluusaa eqqarsaatigaara, qularinngilaralu tassani oqaaserineqartut ilaat nalunngikkitit, assersuutigalugu makku. [Matîuse 6:9, 10 atuaruk.] Tusarnikuuat, ila? Immaqalu nammineq taama qinusimavutit. . . . Kisianni isumaqarpit oqaatsit tamakku ullumikkut uatsinnut pingaaruteqartut? . . . Atuakkami matumani tamanna sammineqarpoq. [Imai innersuussutigikkit atuagarlu atuakkat allat ilaat ilanngullugu neqeroorutigalugu.]“
5 Atuagaq „Hvordan finder man lykken?“ neqeroorutigerusukkukku saqqummiusseriaaseq manna atorsinnaavat:
◼ „Kutaa. Ullumi uanga nammineq pissanganarsorisara oqaloqatigiissutigaara, tassa ajunngitsumik inuuneq. Illit ajunngitsumik inuuneq qanoq takorloortarpiuk? [Pulaakkat tusarnaaqqissaaruk.] Tamatumunnga tungatillugu oqaaserisimasaq issuarusuppara. [’Lykkebog’-imi qupperneq 6-imi immikkoortumi 11-mi issuagaq atuaruk.] Apeqqutit tamakku akineqarpata inuunerput pitsaanerulersinnaava? [Pulaagaq oqaaseqartiguk. Immikkoortoq 13 sammilaaruk oqaaseqarfigalugulu, taava ’ilaqutariinnut’ atuagaq pisoqaq ilanngullugu neqeroorutigiuk.]“
6 Aamma ima saqqummiussisinnaavutit:
◼ „Apeqqut inuit amerlanersaasa eqqarsaatigisartagaat oqaloqatigiissutigineqarpallaanngitsorli eqqartorusuppara, tassa pilluarneq sunaasoq qanorlu anguneqarsinnaasoq. Illit qanoq isumaqarpit? . . . Inunnut pilluartitsisinnaasunik misissuisoqarsimaqaaq. Atuakkami matumani inernerit ilaat Biibilimut naleqqiullugit sammineqarput. [Tamatumunnga assersuut eqqartoruk atuagarlu neqeroorutigiuk.]“
7 Aamma naapitatit Biibilimik atuaqqissaaqatiginissaannik toqqaannartumik neqeroorfigisinnaavatit. Ima oqarsinnaavutit:
◼ „Pulaarpakkit akeqanngitsumik Biibilimik atuaqqissaaqatiginissaannik neqeroorfiginiarlutit. Tamanna misilinnikuuiuk? [Pulaakkat oqaaseqartiguk.] Qanoq iliortoqarsinnaasoq naatsumik takutilaarlara. Atuakkami matumani kapitalit tunngavigalugit oqaloqatigiissuteqarsinnaavugut. [Atuagaq neqeroorutigisat tiguuk imaalu pulaarfigisamut takutillugit.] Aalajangersimasoq sorleq misissorusussinnaaviuk? [Pulaarfigisaq kapitali aalajangersimasoq qinissallugu piffissaqarli. Qinersisinnaanngippat illit kapitalit ilaat qinersinnaavat tassanilu immikkoortoq 1 aallarniutigisinnaallugu.]“
8 Atuagaq suna tunniunneqarsimasoq apeqqutaatinnagu erniinnaq aggeqqittariaqarputit soqutiginninneq ineriartortinniarlugu. Ajornanngippat pulaaqqaarnermi allaat matumi atuaqqissaaqatigiinnerup aallartinnissaa iluaqutaassaaq. Eqqartoruk atuagaq tunniunneqarsimasoq atorlugu qanoq Biibili atuaqqissaaqatigiissutigineqarsinnaasoq. Immikkoortualuit sammilaakkit pulaarfigisarlu oqaaseqartiguk. Tullianik qaqugu aggeqqinnissannik isumaqatigiissuteqarneq imaluunniit aalajangersimavissumik atuaqqissaaqatigiinnissaq tamatigut pisariaqanngilaq. Sumulluunniit piareersimaniarit. Pulaarfigisap aggeqqittarnitit nuannaarutigilerpagit paasilerpagulu Biibilimik atuaqqissaaqatigiittarneq qanoq pissarsiffiginartigisoq aalajangersimanerusumik atuaqqissaaqatigiinnissaq Biibilimik atuaqqissaaqatigiinnertut nalunaarsorneqarsinnaasoq isumaqatigiissutigissallugu piuminarnerussaaq. — Takuuk kmD 9/76, qup. 4.
9 Qaammatini tulliuttuni sapinngisatsinnik Jesus malinniarlugu ’aliasuttut tamaasa tuppallersarniartigik.’ — Jes. 61:2.