Amerlasuut ilanngupput
1 Soorlumi ukiuni hundredelinni siullerni pisimasoq ullumikkut kristumiut ilagiivisa amerleriarnersuaq misigaat. (ap. sul. 2:41; 4:4) Ukioq kingulleq ajoqersukkat nutaat 366.579-t kuisipput — ullormut agguaqatigiisillugu 1000-init amerlanerusut. Ukiuni pingasuni kingullerni 1 millionit sinnerlugit kuisissimapput. Aap, Jehovap uppertunik amerlasoorsuarnik ilataarsinnartippaatigut. — ap. sul. 5:14.
2 Taakkua amerlasuut kristumiutut inuunissaminnut misilittagaqanngillat, taamaattumillu uppernikkut sanngisuunit ajoqersorneqarnissartik ikiorneqarnissartillu atorfissaqartippaat. (Rûm. 15:1) Kristumiut siulliit ilaat naak ukiuni arlalinni kuisimasooreeraluarlutik ’inersimassummut ingerlanissaq’ sumiginnarsimavaat. (Epr. 5:12; 6:1) Taamaattumik Paulusip Eprîarinut agdlagkat-ni kristumiut sutigut anersaakkut ineriartorsinnaanerinik erseqqissaaffigai. Suut tassani eqqartorneqarpat aammalu qanoq pisariaqartitsisunut ikiuisoqarsinnaava?
3 Aalajangersimasumik atuaqqissaartarneq: Paulusip kajumissaarutaa naapertorlugu ilinniartuulluassagaanni iliuutsikkut ilinniagaqartariaqarpoq uteqqiisariaqarluni aammalu Jehovap peqatigiissortai aqqutigalugit ’nerisassamik mattusuumik’ tigusisariaqarluni. (Epr. 5:13, 14; takuuk Napasuliaq Alapernaarsuiffik 1. septembari 1993-imoortumi, quppernerit 14-20.) Uppertunngorlaat anersaakkut ittunik oqaloqatigisarnerisigut namminerlu atuaqqissaartarnikkut sapanngarissuutinik sallusuissummi nanisimasanik avitseqatigisarnerisigut nammineq aalajangersimasumik atuaqqissaartalernissaannik killinneqarsinnaapput. Ilaatigooriarluni nutaap immaqa nammineq atuaqqissaartarnerit imaluunniit ilaqutariillusi atuaqqissaaqatigiinnersi peqataaffigisinnaavaa.
4 Aalajangersimasumik ataatsimiinnernut peqataaneq: Aalajaallutit maligassiuinikkut asannittumillu qiimmassaanikkut ilagiinniittut nutaat kristumiut ataatsimiinnerinut najuutinngitsoortartut, Paulusip oqaatigisaatut ilaat taamaattarmata, tamanna pinngitsoortikkumallugu ikiussavatit. (Epr. 10:24, 25) Ikiukkit paasitillugit ataatsimiinnerit tassaasut ilagiinnut anersaakkut atassutigisaat. Tikilluaqqusaasutut misigitikkumallugit iliuuseqarit qatanngutigiissuarnut peqatigisatsitut ilillugit.
5 Jehovamut tatiginnissuseqarluni saaffiginninneq: Jehova qinunikkut saaffigisariaqarparput ernumagisavullu eqqarsaativullu itisuut taassumunnga ersersittariaqarpavut uinikkut sanngiiffivut inuttullu nammineq nanertuutigisavut iluatsitsilluta ajugaaffigissagutsigik. Nutaat ilikkartariaqarpaat Paulusip kajumissaarutaa malissallugu Jehovamut ikioqqulluni torlulaatiginninninnissamik qularuteqartariaqaratik. (Epr. 4:15, 16; 10:22) Tamatumunnga tunngasumik nammineq misilittakkannik oqaluttuaruit nutaat pissatsisissavatit Jehova ilumoorusuttut qinnutaannut tusartarneranut tatiginnilersillugit.
6 Kiffartornissamut piffissalertarneq: Paulusip nalunngilaattaaq ’pilliutinik qujaniutinik Guuti aatsivigingaagatsigu’ anersaakkut pissatsiallannartuusoq. (Epr. 13:15) Sapaatip-akunnerata ingerlanerani nutaat kiffartornissamut ilagisinnaavigit? Immaqa neqeroorutip qanoq saqqummiunnissaanut, imaluunniit kiffartoriaatsimut oqaluussisartunngorlaap suli misilissimanngisaanut piareersaqatigiissinnaavusi.
7 Amerlasuut ilannguttut nuannaarnissatsinnut pissutissaqartilluartippaatigut eqiasuilluta kajumissaarinikkut nutaallu ilagiinniittut ilinniartinnerisigut ikiussavavut sanngisuumik uppernermik ineriartortitsinissaannik taamaalillutik ’tarnimikkut annakkumaartut ilagilersinnaaqqullugit’. — Epr. 3:12, 13; 10:39.