1998-imi nunanit tamanit peqataasunik ataatsimeersuarnissat
Arfininngornermi oktobarip 5-ani 1996 Watch Tower Bible and Tract Society of Pennsylvania ukiumoortumik ataatsimiinnerminni nalunaarutigineqarpoq 1998-imi nunanit tamanit peqataasunik ataatsimeersuarnissat pisussatut Siulersuisoqatigiit pilersaarutigigaat. Nunanit tamanit peqataasunik ataatsimeersuarnissat pissapput Amerikap avannaani, Afrikami, Asiami, Europami, Latinamerikami, Caraibiami aammalu Manerassuup kujataani qeqertani.
Ataatsimeersuarnissat tamakku ilaat arlallit Amerikap avannaani pissapput, nunarsuarlu tamakkerlugu nunanit assigiinngitsunit peqataasussanit qaaqqusisoqassaaq. Ataatsimeersuarnerni ajoqersuiartortitanik tikeraartoqarnissaq aamma qilanaarisinnaavarput. Ajoqersuiartortitat allallu piukkunnaateqartut minnerpaamillu ukiuni pingasuni nunami takornartami immikkut kiffartorsimasut ataatsimeersuarnerit taakkua ilaannut nunagisaminnut qanittuaniittumulluunniit qaaqquneqassapput.
Nunani allani nunanit tamanit peqataaffigineqartunik ataatsimeersuarnermut Danmarkimiit peqataatitaqarsinnaanerluta kingusinnerusukkut nalunaarutigineqassaaq. Kisianni ataatsimeersuarnermut peqataarusuttut immaqa maannamiit pisussanut tamakkununnga immikkut ittunut ileqqaalereersinnaapput.