Peqatigiiffiup videofilmiutai pingaartippigit?
1 Jehovap kiffaasa aalajaatsut tamatigut teknikkikkut siuariarnerit nutaarsiassamik nuannersumik siuarsaaniarnerminni iluaqutigilluartarpaat. Kristumiut siulliit maligassiuisut quppersakkat atortarsimavaat. (Takuuk si, qupp. 315) Nalitsinni Guutip innuttai qarasaasiamik teknikikkut naqitereriaatsimillu siuarsimasumik sukkasuumik iluaqutiginninniartarput. ’Inussiaq aalajaallunilu silatooq’ aamma sukkasuumik radiomik, biilinik højttalerilersukkanik, oqaluttartunik, filminik båndininillu iluaqutiginnittarsimavoq. Maannakkullu videofilmit atortalersimavavut. Tamakku tamarmik pisinnaanngorsimapput Guutip innuttaasa namminissarsioratik Naalagaaffimmik suliaq tapersersorlugu „Matîuse 24:14“-mut tapersersuinermikkut.
2 Maannakkuugallartoq Peqatigiiffiup videobåndit qallunaatut oqaasertallit tallimat saqqummersissimavai, sulilu takkuttussaqarluni. Siullermik Jehovas Vidner og deres organisation pisimavarput, taavalu tamatuma kingorna filmit immikkoortut marluk Biibilimut tunngasut pisimallutigit, tassaasut Bibelen — nøjagtig historie, pålidelig profeti aammalu Bibelen — gammel men stadig tidssvarende. Aammattaaq pisimavarput ataatsimeersuarneq pillugu filmi kusanartoq Oplæring fra Gud forener ilanngullugulu filmi Atuarfik Gilead pillugu, Ud til hele den vide Jord. Maannakkullu nuannaarutigisinnaavarput filmi qanganisaq immiussaq Den nye verdens samfund i virksomhed qallunaatut takkuttussanngormat.
3 Videofilmit atuagaasivimmi inniminnerneqarsinnaapput. Videoqartut kajumissaarniarpavut videobåndit taakku piniaqqullugit teokratiimilu videonik katersugaatinnut ilanngullugit soorlu Peqatigiiffiup atuagassianik naqitigaanik atuakkanik katersugaateqartartugut. Filmit arlaleriarlugit takuneqarsinnaapput. Videoqartut kajumissaarneqarput allat ilagiinniittut inoroorsaarfigeqqullugit filmit takuniassammatigik, tamarmik ilisimalersinnaaqqullugit iluaqutigalugillu.
4 Oqaluussinermut tunngasunik nakkutilliisup gruppit pulaarunigit eqqartorsinnaavaa qanoq filmit iluaqutigineqarsinnaanersut, aammalu oqaluussiartornermi qanoq atorneqarsinnaanersut. Arlallit kinguneqarluartumik filmit atuaqqissaaqatigisartakkaminnut aammalu angalaartarfinni allanut soqutiginnittunut takutittarsimavaat. Amerlasuullu aamma kinguneqarluartumik eqqaamiuminnut, ilaquttanut suleqatinullu atortarsimavaat.
5 Qatanngut arnaq ima allappoq: „Videora atorluarneqartarpoq filmit qatanngutitsinnut videoqanngitsunut takutinniarlugit. Taamattaaq filmit atukkiuttarsimavakka pulaaqqittakkannut videolinnut. Kiffartuussineq eqqarsaatigalugu nammineq nassaarsiorniarlunga, atuagassianik pisartagaqartut ilaat angerlarsimaffinnut qaaqquakka filmillu takutillugit. Arnamut aamma majuartarfeqatigisannut uagutsinnik pulaartoqarnissaminik kissaateqanngitsumut takutissimavara.“ Qatanngutip arnap filmit aamma pulaaqqittakkaminut allamiusut oqaluttunut atortarsimavai.
6 Qatanngutip angutip filmi Jehovas Vidner og deres organisation suliniaqatigiit ilaannut ilaasumut nuimasumut sallusuissut nalugallaramiuk ilisarisimasaminut takutissimavaa. Taanna ajunngitsumik qisuariarsimavoq, oqarlunilu ataatsimeersuarfissami najuunnissani soqutigalugu.
7 Filminik tamakkuninnga atuagassiaatitta saniatigut tapiutaalluartunik naleqartunik peqarpugut. Illit ilaquttatillu taakku pissarsiarereerpisigit? Takoreerpisigik? Ilagiinniittunut allanut takutereerpisigik? Filmini taakkunani immikkut ittumik sakkoqarpugut nutaarsiassamik nuannersumik oqaluussissutiginninnissatsinnut ikiuutigisinnaasatsinnik ajoqersuganngortitsiartornitsinni maanna ullussani kingullerni pingaartuni naggatissap naangajalernerani. — Mat. 24:14; 28:19, 20. (kmD 9/96 Værdsætter du Selskabets videofilm?)