Biibilimik atuaqqissaaqateqalerniarneq: Aalajaattuarit!
1 Ukioq manna qaammatit tamaasa Naalagaaffimmut kiffartorneq-mi Biibilimik atuaqqissaaqateqalerniarneq pillugu Qallunaat Nunaanni immikkut pissutsit eqqarsaatigalugit ilanngutassiaqarsimavoq. Ilagiinnut nakkutilliisut angalasartut tamakkununnga siunnersuuteqaqataalluarsimapput. (Uss. 15:22) Amerlasuut ilanngutassiat taakku iluaqutigisimavaat, siunissamilu katersuuttarnernut ilikkarnartunut tunngaviusinnaassapput.
2 Suliarput akerlilersorterpassuaqarpoq. (1 Kor. 16:9) Satanip piffissakissutsi nalunnginnamiuk ilungersuutiginninnini sakkortusarpaa ’Jesusip nalunaajaataanik piginnittut’ akerlilersorniarlugit. (sar. 12:17) Taamaattumik nikallujuinnissaq pisariaqarpoq.
3 Asanninneq nikallujuinnissamut tunngaviuvoq. (1 Kor. 13:7) Jehovamut Jesusimullu asanninnitta nikallujuittuarnissatsinnut ikiorpaatigut. Ajunngissuseq pisassarinngisaraluaq uagutsinnut takutinneqarsimasup, pinngitsaalivaatigut. (Rûm. 1:14, 15) Taamaattumik Jehova qinnuigisariaqarparput asanninnikkut ineriartorteqqulluta. — Fil. 1:9, 10.
4 Qanoq takutissinnaavarput nikallujuinnissatsinnik aalajangersimalluta? Oqaluussiartornikkut ileqquliussimasat ajunngitsut aalajangiunnerisigut, allaat kinguneqarluanngikkaluaraangata imaluunniit akerlilersuisoqaraluarpat. Soqutigisaqannginnerup nikallorteqinatit pikkorissarnissannik tunniutiinnaqinak atortakkillu siunnersuutit tunniunneqarsimasut. Inunnut inussiarnersunut ineriartortitsissagaanni nikallujuittuarnissaq pisariaqarpoq atuagassianillu pajuttakkat isumagalugit tamatigullu atuagassiani paasissutissanik pissanganartunik pulaakkap soqutiginninneranik inuummarissaataasinnaasunik saqqummiussisarluni.
5 Jehovap peqatigiissortaasa ikiuutissarpassuarnik tunisimavaatigut nikallujuinnissamut pissatsissutigisassatsinnik. Aappariit utoqqaat pioneeriusut ukioq manna augustimi ilagiinnut nutaanut nuussimapput qaammatillu marluk qaangiutiinnartut atuakkamik Ilisarsineq inuunermut naassaanngitsumut sammisoq atorlugu atuaqqissaaqatiginnissimanitik arfinillit nalunaarutigisinnaasimavaat. Taamaattumik ’ajunngitsuliornissamut nikallujuinnissatsinnut’ pissutissaqarluarpugut. — Rûm. 2:4-7. (kmD 95/11 Bibelstudiearbejdet: Hold ud!)