Atuagaq Ilisarsineq inuunermut naassaanngitsumut sammisoq neqeroorutigiuk
1 Nuannaarutigisimavarput atuagaq nutaaq Ilisarsineq inuunermut naassaanngitsumut sammisoq saqqummersinneqarmat. Qularnanngitsumik naallugu atuarnissaanut periarfissarsisimavutit tunngaveqarluartumillu ilinniartitsisutaarpasissumillu sananeqarsimanera nuannaarutigalugu. Inuit sukkanerusumik sallusuissummik eqqortumik ilisimasaqalernissaannut naatsorsuutaavoq. Decembarimi angalaartarfitsinni atuagaq neqeroorutigissavarput. Soqutiginnilersitsiniarluta qanoq oqarsinnaavugut?
2 Allassimaffik Matîuse 7:12 nassaariuk, inussiarnersumik angalaaqatigisallu imminut ilisaritigit, imalu oqarlutit:
◼ „Ullumikkut inuit oqaloqatigaavut amerlanerusut Biibilimik atuarneruniassappata qanoq iliortoqarsinnaanersoq pillugu. Illit qanoq isumaqarpit? [Tusarnaarluarit oqaatigineqartunullu oqaaseqarlutit.] Amerlanerusut Biibilimik atualerpata tassanilu najoqqutassat maleruaraluarpatigik ullumikkut silarsuaq inuuffigisarput allaanerujussuussagaluarpoq. Piviusoq manna assersuutigilaarlara. [Matîuse 7:12 atuaruk.] Tamanna ilumuunnginnerluni? Ileqqoreqqusaq taannaannaq malinneqartuugaluarpat silarsuaq manna ajunnginnerussannginnerpa? [Pulaagaq isummaminik ersersitsisinnaavoq.] Massakkut immaqa oqartoqarsinnaagaluarpoq Biibili qangarnisarsuummat atuarnissaanut piffissaqarfiginagu, assersuulli manna tusariassagit. [Qupperneq 12-imi immikkoortoq 3 atuaruk. Assersuut naatsumik oqaaseqarfigiuk.] Kapitalimi eqqartorneqarpoq sooq inuit qaammarsagaalluartut amerlasuut upperigaat Biibili atuagaasoq tatigisassaalluartoq ilumooruttariaqartorlu. Atuagaq tigusinnaavat kapitalimilu eqqartorneqartut nammineq atuarsinnaallugit. Piumaguit atuagaq pisinnaavat, pissanngikkukku tulliani aggeqqileruma tunniutiinnarumaarpat.“
3 Periarfissaq alla:
◼ „Aperilaarniarpakkit immaqa massakkut eqqumiiginarsinnaagaluartumik: Isumaqarpit inunnut inuunermik naassaanngitsumik tunisisinnaasumik ilisarsissummik nassaassaqartoq? [Pulaagaq akili.] Jesus oqarsimavoq ilisarsissummik taama ittumik nassaassaqartoq. [Juánase 17:3 atuaruk naatsumillu versi nassuiarlugu.] Tamanna qanoq isumaqarfigaajuk? [Pulaakkat tusarnaaruk.] Atuakkamik nassarpunga ima qulequtaqartumik Ilisarsineq inuunermut naassaanngitsumut sammisoq. Kapitali 4-imi eqqartorneqarpoq maannakkut Jesus sumik inissisimaffeqartoq. [Qupperneq 41-imi immikkoortoq 18-mi oqaaseqatigiinni kingulliit tallimat atuakkit.] Kapitalimi aamma eqqaaneqarpoq tamanna siunissatsinnut qanoq pingaaruteqartigisoq. [Qupperneq 42-imi immikkoortoq 20-imi oqaaseqatigiit siulliit atuakkit.] Pissutsit taamaattut misigerusuppigit? [Pulaagaq oqaaseqartinneqarli.] Taamaappat tamatta inuttut ataasiakkaatut Jesusip inuunermut pingaaruteqartumik unnersuussutaa uani kapitali 4-imi eqqartorneqartoq malittariaqarparput. Kapitali tamaat atuarsinnaavat, taava immaqa ullualuit qaangiuppata tamakkiinerusumik nangillugu misissuataarsinnaavarput.“
4 Naatsunnguamik pitsaanerutikkukku ima oqarsinnaavutit:
◼ „Eqqarsaatiginikuuiuk sooq utoqqalillutalu toqusarnersugut? [Pulaagaq oqaaseqartinneqarli.] Uani atuakkami kapitali 6-imi eqqartorneqarpoq suna toqusarnitsinnut pissutaasoq qanorlu Guutip atorunnaarsikkumaaraa. Toqqaannartumik Biibilimi allassimavoq Guuti neriorsuisoq imminik asannittut naassaanngitsumik inuussasut. [Juánase 17:3 atuaruk.] Apeqqut misissornerorusukkukku atuagaq tigusinnaavat kapitalilu misissuataarneroqqissinnaallugu.“
5 Piareersarluarnitsigut atuagaq taanna atorlugu immaqa allanut ’Allakkanik nalujunnaarsitsisinnaavugut’ taakku nuannaartikkumallugit. — Lúk. 24:32. (kmD 95/12 Tilbyd bogen kundskab . . ..)