Ilagiit atorfissaqartippavut
1 Korap ernerisa Jehovap ilagiissaanik pingaartitsinertik ima oqaaseqarlutik ersersissimavaat: „Silarliutinni ulloq ataaseq ajunnginneruvoq allanit tusindiliusunit.“ (Tuss. 84:11) Taakkua isumaat malillugu silarsuup neqeroorutai tassunga naligitinneqarsinnaanngillat. Taamatut aamma uagut isumaqarutta ilagiit inuunitsinni tamani salliutissavavut.
2 Ilagiit kristumiut tunngavilerneqaqqaarmatali Jehovap pilluaqqusimagai ersarippoq. (aps. 16:4, 5) Arlaannattaluunniit ilagiit taamaattussaannartut imaluunniit peqatigiiffiinnartut isigisariaqanngilai. Ilagiit Jehovap nalunaajaasuinut sumiikkaluartunulluunniit katersuuttarfittut qitiupput katersuuffigaavut ataasiussuseqaatigalugillu taamaalilluta Jehovamik ajoqersorneqarsinnaanngorluta Naalagaaffimmullu kiffartornitsinni aaqqissugaalluta. Jes. 2:2.
3 Ilagiit kristumiut sallusuissummik ilinniarfissatut pingaarnerpaapput. (1 Tim. 3:15) Jesusip malinnittai tamarmik ’ataasioqatigiittussaapput’ Guutilu Kristusilu ataqatigalugit. (Juá. 17:20, 21; naleqqiuguk Jes. 54:13.) Nunarsuarmut sumulluunniit pigaluarutta, qatanngutit uatsitulli upperaat Biibilip ajoqersuutai najoqqutassaalu inooriaatsimikkullu malillugit.
4 Ilagiinni ajoqersuganngortitsinissamik ilinniartinneqartarpugut. Qaammatit tamaasa Napasuliaq Alapernaarsuiffik, Iteritsi! Naalagaaffimmut kiffartorneq-lu Biibili qanoq aallarniilluta eqqartorsinnaagipput atorluarsinnaasatsinnik siunnersuuteqartarput. Ataatsimiinnerni ilinniartarparput qanoq ililluta soqutiginnilersitsisinnaanissarput ineriartortitsisinnaanissarpullu allanik. Nunarsuaq tamakkerlugu amerliartornitta takutippaa qilammit tapersersorneqartugut. — Mat. 28:18-20.
5 Ilagiit aqqutigalugit ullormut qiimmassarneqartarpugut ’misissoqatigiinnissatsinnik asanninnermut ajunngitsuliornermullu’. (Epr. 10:24, 25) Misilinneqarnitsinni aalajaannissatsinnik pissatsinneqartarpugut. Nakkutilliisut asannittut tatineqarnitsinnut akiuussinnaanissatsinnut isumakuluutitsinnillu qaangiinissatsinnut ikiortarpaatigut. (Nal. 4:9-12) Tammartitaanissamut navianartorsioraangatta pisariaqartumik unnersuunneqartarpugut. — 1 Tás. 5:14.
6 Jehovap piumasaraa peqatigiissortaminut qanittumik attaveqassasugut ataasiussuseqaqqulluta. (Juá. 10:16) Ilagiinnik aaqqissuussinerup nakkutilliisunit angalasartunit qiimmassarneqartarnitsigut inussiaqatigiinnut aalajaatsumut attaveqarnerput atatippaa. Asannittumik unnersuussutigineqartut tigugaangatsigik, immitsinnut qaninnerulertarpugut anersaakkut nukittujuarluta.
7 Anersaakkut uumajuaannassagutta ilagiit pinngitsoorsinnaanngilluinnarpavut. Ilagiit attaviginagit Jehovamut taassuma iluarisaanik kiffartornissaq ajornaqaaq. Taamaattumik qanittumik Jehovap tunniussaanut ikiuutigisinnaasatsinnut tamatumunnga attaveqartuarta. Qanortoq ilagiinnik siunertaasoq naapertorlugu suliuarta tamaanilu unnersuussutigineqartartut kajumilluta maleruarlugit. Taamaaliornitsigut aatsaat takutissavarput qanoq ilagiit pingaartitsigalutigit. — Tuss. 27:4. (kmD 95/10 Vi har brug for menigheden)