Anguniagaqarluni pulaaqqiineq
1 Pulaaqqiigaangatta allassimaffimmik pulaakkatta kingullermik oqaluuserisimasatsinnut Biibilimut tunngasumut ilisimasaqarnerulissutigisassaanik atuinissarput.
2 Atuagassianik pisimasunut pulaaqqiisarnitta siunertaata ilagaa atuagassianik pajuttagaqalernissarput. Saqqummiussineq immaqa manna sunniuteqarsinnaavoq:
◼ „Neriuppunga Vagttårnet-imi ilanngutassiaq sooq Guutimik mianerinnittariaqarnitsinnut tunngasoq nuannaarutigisimassagit. Ullumikkut atuagassiamik takutikkusuppakkit (Vågn op! 22. oktobarimoortoq) ima apeqquteqarpoq: ’Hvorfor er livet så kort?’ Nangillutit ima oqarsinnaavutit: „Jesusip oqaasii ilisimaneqarluartut Juánase 3:16-imiittut neriorsuipput naassaanngitsumik inuunissamik. Atuagassiaq tigusinnaavat tunngaveqarluartumillu Guutip oqaasii neriuutissaqartitsinerat uagutsinnik qiimmassaasoq atuarsinnaavat.“ Atuagassiat normuisa tulliuttut pajugutiginissaat neqeroorutigiuk, oqaluttuullugulu Guutip inuit tusarusuttut qanoq neriorsorsimagai. Eqqaamajuk atuagassianik aalajangersimasumik pisartut pulaaqqiinertut allannissaat.
3 „Vagttårnet“ 1. oktobarimoortoq „En verden uden krig — hvornår?“ innersuussutigalugu tunniussimagukku, ima oqarsinnaavutit:
◼ „Pissutsimmita qanoq issagaluarpat silarsuaq sorsuffiujunnaaraluarpat? [Pulaakkat oqaaseqarli.] Guutip qanoq iliorumaarnissaminik neriorsuutaa takutilaarlara.“ Tussiaat 37:10, 11-lu atuakkit eqqartorlugulu Guutip piumasaa nunarsuarmut maanga tikiuppat pissutsit qanoq ittuussanersut. Eqqaajuk Jesusip ajoqersukkani qanoq qinunissaannik ajoqersormagit, Matîuse 6:9, 10-lu allaatigineqarsimasutut, pulaakkannut Jesusip oqaasii qanoq isumaqarnersut oqaloqatigiissutigikkit. Ilumoortumik soqutiginnittoqarpat Napasuliaq Alapernaarsuiffik Iteritsi!-lu aalajangersimasumik aggiuttalernissaat neqeroorutigisinnaavatit. Aggeqqinnissannik isumaqatigiissuteqarfigiuk eqqartugarsilu nangeqqikkumallugu.
4 Aggeqqikkuit atuagassiaq „Hvorfor er livet så kort?“ eqqartorniarlugu (Vågn op! 22. oktobarimoortoq) ima aallarniisinnaavutit:
◼ „Kingullermik inuup inuunera eqqartorsimavarput. Maluginiarsimassavat atuagassiami Vågn op!-imi ilaarlugu allaatigineqarsimasoq ilisimatuut ilaat isumaqartut ukiut 70-80-it qaangerlugit inuunissaq naatsorsuutigisinnaanngikkipput. Kisianni Biibilip neriorsuutai qanoq isumaqarfigaagit? [Pulaakkat akili.] Biibilip ersersippaa Guuti ajunnginnerujussuarmik inunnut piareersaateqartoq.“ Taava Juánase 17:3 atuaruk nassuiarlugulu qanoq Guuti ilisarineqaruni inuunissamik naassaanngitsumik kinguneqarsinnaasoq. Maanna Biibilimik atuaqqissaaqatiginissaa misilillugu neqeroorutigisinnaavat nutaamilluunniit Biibilimik eqqartueqqinnissamik isumaqatigiissuteqarfigalugu.
5 Kiffartuuteqarnitta siunertaata ilagaa Biibilimik atuaqqissaaqateqalerniarnissaq. Immaqa arlaleriarlutit atuagassianik pisartumut pulaaqqiisarsimavutit. Tullianik pulaaqqileruit periaaseq manna sooq misilissanngiliuk?:
◼ „Inuit upperisarsiornernut assigiinngitsumik isumaqartarput assigiinngitsumillu isumaannut ullumikkut inuusuni isiginnittoqartarluni. Isummat assigiinngilluinnartut amerlaqaat Guutip ajussutsimik atuutititsigallarneranut aammalu utoqqalillutalu toqusarnitsinnut. Ilaasa paaserusuppaat qanoq qinusoqarsinnaanersoq Guutimik tusarneqarluni.“ Atuagaatitta ilaanik atuaqqissaarnermut atortakkatsinnik takutiguk, allaatigisamillu pulaakkavit soqutigisinnaasaanik ujaasillutit. Naatsunnguamik takutiguk qanoq atuaqqissaarneq ingerlasarnersoq.
6 Jehova Guutiuvoq aalajangersimasumik siunertarisalik. Issuarniartigu oktobarimi anguniagaqarluta pulaaqqiinitsigut. (kmD 95/10 Målrettede genbesøg)