Naqitaaqqamik pisimasunut tamanut pulaaqqiineq
1 Apustilip Paulusip Filippimiut nersorpai ’isumagisinnaalersimammanni’. (Fil. 4:10) Filippimiut iliorsimanerat oqaluussiartornitsinnut nuutsikkutsigu inoqatitta isumaginissaat eqqarsaatigissavavut, soqutiginninnermillu ersersitsisimasut pulaaqqillugit.
2 Atuagassiaaraq „nâlagauvfik pâratîsimik pilersitsiumârtugssaĸ“ tunniussimagukku ima oqarsinnaavutit:
◼ „Qanittukkut oqaloqatigiissutigisimasavut eqqarsaatigisimavakka, allassimaffinnillu marlunnik takutikkusukkaluarlutit. Eqqaamajunnarsivat kingullermik eqqartoratsigu Guutip naalakkersuinera nunamut atuutilersussaasoq. Biibilimi Jehova Guutip nammineq tamanna neriorsuutigisimavaa. [Atuaruk Dan. 2:44.] Taama pisoqarnissaa ilimagaajuk? [Pulaakkat akili.] Tusaariassagit Guutip neriorsuutiminik eqquutitsisarnerminik oqaasia. [Atuakkit Jesaja 55:11.] Guutip naalagaaffianut tunaartarinnilissutigissannginnerparput? Kisianni Guutip neriorsuutigisimasani tamanna qaqugu eqquutitissavaa?“ Tullianik aggeqqinnissannut apeqqut tamanna akiumajuk.
3 Atuagassiaaqqamik „Asasamik toqusoqaraangat . . .“ pisimasumut pulaaqqiileruit periaaseq manna atorsinnaavat:
◼ „Kingullermik oqaloqatigiissutigisimasarput assut eqqarsaatigaara. Atuagassiaaqqami pisimasanni maluginiagassannik innersuutissaqarpunga.“ Assiliaq qupperneq 30-mi takutiguk aperalutillu: „Eqqaamaviuk assiliaq manna nuannersoq ersersinneqartoq toqusimasut ilaasa asasaminnik ataatsimooqateqaqqilersut? Kingullermik apeqqutigisimavara nunami imaluunnit qilammi tamanna pissanersoq. Immaqa atuagassiaaqqami uani qupperneq 26-mi Biibiliminngaannit akissutissai nassaarisimassavatit.“ Immikkoortoq 3-5-imilu pingaarnerit saqqummiutikkit, Juánase 5:21, 28, 29-ilu atuarlugit. Piffissaqarpat allassimaffiit quppernermi tassaniittut aamma atuarneqarsinnaapput.
4 „Ata! Suut tamaasa nutaanngortippakka“ atuaqqissaaqateqarnissamik aallarniisimavit? Pulaaqqiileruit ima iliorsinnaavutit:
◼ „Qupperneq 30 innersuutigeqqiguk, aperalutillu: „Sutigut Biibili atuakkanit allanit allaava?“ Qupperneq 3 aamma 4 qupperuk, immikkoortullu 1-4-mut atuagassiaaqqallu ungaluaniittut sammillugit. Allassimaffiit innersuussutigineqarsimasut marlussuit immikkoortoq 4-miittut atuagassiaaqqap ataaniittut atuarsinnaavasi. Nassuiaruk Biibili atuagaasoq kisimi naleqanngitsumik neriuuteqartitsisoq. Tullissaanut pulaaqqinnissannik isumaqatigiissuteqarfigiuk. Pingajussaanik atuaqqissaarneq ingerlateqqinneqassappat atuaqqissaaqatigiinnertut nalunaarusiamut allanneqarsinnaalissaaq.
5 Atuagassiaaraq „Guds navn der vil består for evigt“ sammeqqissagukku ima oqarsinnaavutit:
◼ „Kingullermik Biibiliminngaannit Guutip aqqa takutippara. Guutip aqqanik ilisimasaqarneq atuinerlu Guutisiornitta pingaaruteqartut ilagaat.“ Qupperneq 31 qupperuk, immikkoortunilu sisamani kingullerni pingaarnerit sammillugit, Juánase 17:3 aamma Mika 4:5 atuarlugit. Nassuiarullu Biibilimik atuaqqissaaqateqartarnissarput neqeroorutigisaripput taamaalilluni qanoq Guutip aqqanik eqqortumik ataqqinninnerulersitsisartoq, qanorlu nunami paratiisimi pilluaqqussutissat misigisinnaagivut.
6 Taamaattumik attaveqarfigisimasatit eqqarsaatiginissaat puigorniaqinagu. Pulaaqqittuartarnissat aalajangiusimajuaruk, piareersarluartarit pitsaasumik oqaasissaqarluarniassagavit. Oqaluussisartunngorsinnaavutit ajoqersuganngortitsiniarnermi „inerititaqarluarlutit“. — Mat. 13:23. (kmD 95/7 Aflæg genbesøg . . .)