Maligassiuisorput qaammaqqusersuisutut malipparput
1 Jesus imminut taasimavoq: ’Silarsuup qaamasoraanga.’ Ajoqersugai Jesusip maligassiaanik malinninnermikkut aamma ’silarsuup qaamasorilersimavaat’. (Mat. 5:14) ’Silamiunut qaammaqqutaalluni’ Jesus ajoqersukkaminut tamanut oqarsinnaasimavoq ’qaammaqqut inuunartoq pigissagaat’. (Juá. 8:12) Anersaakkut qaammaqqusersuisunngortippaatigut. Qaamaneq tamanna toqqorsinnaanagu sakkukillisinnaanngilarput.
2 Sunniuteqarluartumik qaammaqqusersuilluarnissatsinnik Jehovap peqatigiiffiata ilinniartillutalu isumassorpaatigut. Siunnersuutigineqartut pisartakkavut malilluarutsigik inuit assigiinngitsut Naalagaaffik pillugu sallusuissummik paasitissinnaavavut. (1 Tim. 4:6) Qaammaqqusersuisuuneq imaanginnanngilaq sallusuissut sukkulluunnit oqaluutigisarlugu, kristumiutulli aamma ajunngitsumik ileqqussatigut attassineruvoq. Maligassiuisorput isornaatsumik ileqqoqarsimavoq. Ajoqersugaasut takutittariaqarparput kristumiuussuseq inooriaaseralutigu. (Evf. 5:9; Tít. 2:7, 8, 10) Allat takusinnaasaannik ajunngitsunik suliaqartariaqarpugut taamaalillutik Guuti unnersiutigilerniassammassuk. — Mat. 5:16
3 Oqaluussisartoq illumiit illumut angalaartilluni qaqutigoortumik aperineqarsimavoq. Pulaarneqartut nulianilu tamarmik napparsimasorujussuusimapput, aningaasanilli bankimut ikisassaqarsimallutik. Oqaluussisartoq aperisimavaat taamaaliuussussinnaaneraatik. Piumasimavoq aningaasallu tunniussimavaat 2000 dollarsit anigaasanngorlugit. Uterami aperisimavai: „Qanoq ilillusi ilisarisimanangalu tatigisinnaavisinga?“ Akipput: „Soorlumi allallu nalunngikkipput Jehovap nalunaajaasui taakkutuaapput tatigisinnaasavut.“ Qujamasuutigisinnaavarput Biibilimi ileqqussanut tunngasut malinnerisigut taamatut nalilerneqartarnerput Guutimut ataqqinaatissatut.
4 Ilinniartitsisup klassimiittuutini nassuiaappai sooq niviarsiaqqap arfinilinnik ukiullip, angajoqqaavi Jehovamut nalunaajaasuusut, ’iluartut ulluannut’ atatillugu ilusilersukkanik qalipaasersuerusunnginnera. Ilinniartitsisuata nersualaarpaa upperisaminut atatillugu sapiilluni allanit allaanerusinnaammat. Upperilluinnagaqarutta, ilinniartitsisuat oqarpoq, sapiissuseqartariaqarpugut takutissinnaallugu illersorlugu. Unnuk taanna ilinniartitsisuata qularutiginninnginnini paasiniaqqissaarpaa nassuiinnartariaqarlunili illersukkaminut takutsitsinissaminut saperluni. Aqaguani nalunaarutigisimavaa kingorna siunissami klassinut nalliuttorsiutigineqartartunik ilanngusseqqinniarani, nalliuttorsiutigineqartartut ilaat nammineq upperisinnaannginnamigit.
5 Jehovap kiffai sumiikkaluaraangamilluunnit ilungersuutiginnittuarput qaamasortik qaamatiinnarumallugu. Meeqqat atuarfimmi ileqqumikkut maligassiuinermikkut atuaqatiminnut ilinniartitsisuminnullu sunniuteqartarput. Oqaluussisartut inersimasut ulluinnarni ileqqorissaarnermikkut, eqqaamiunit Naalagaaffiup ajunngitsumik eqqartorneqarneranut tusarliisarput. Sukkulluunnit oqaluussinikkut piffinni assigiinngitsuni qanilaartut suli annerusumik ilikkagaqarnissaat annertusartarpaa. Allaat suliffitsinni eqiasuinnitta peqqusersuinittalu nalunaajaanitsinnut ilaapput. Aap, sumiikkaluaruttaluunnit sugaluaruttaluunnit sallusuissummut soqutiginnilersitsisinnaavugut.
6 Maligassiuisutta isornaatsumik inuunera qimerloorluarutsigu, ajoqersugaasut suli pikkorissarsinnaavugut. Maligassiuinera malikkutsigu qaamanerput ’tamanut qaamatissavarput’. — Mat. 5:15; 1 Pît. 2:21. (kmD 95/5 Vi følger vort store Forbillede)