Biibilimik atuaqqissaaqatiginnittarneq: Suli suliassaqarpa?
1 AAP! Nunami maani Biibilimik atuaqqissaaqatigineqartartorpassuaqarpoq siumukartunik. Ataatsimeersuarnerni kuisittoqartarpoq, ilaat oqaluussiffigisartakkani nassaarineqarsimasut. Inuit assigiinngitsut tamarmik atuaqqissaaqatiserineqarnerminnut akuersisarput. Ersarippoq Guuti kinaassusersiortuunngitsoq. (1 Tim. 2:4; ap. sul. 10:34, 35) Nikallujaassuserli pisariaqarpoq, kiffartornittalu qanoq suliarinera misissortuartariaqarparput. — Mat. 24:13; 1 Tim. 4:16.
2 Nakkutilliisut angalasartut, atuaqqissaaqateqalernermut amerlasuutigut ilaasartut, oqartarput pingaarnerpaaq tassaasoq inoqatinik soqutiginninneq piviusoq. Inuit unneqqarissut soqutiginninnerput malugisarpaat ajunngitsumillu qisuariartarlutik. Inoqatinik soqutiginninneq piviusoq ersersittarparput allattueqqissaarneq, oqaluussiffigisartakkamik peqqissaartumik naasaaneq atuagassianillu pajuttakkat pillugit siunnersuutigineqarsimasunik iliuuseqarluta maleruaagaangatta aammalu soqutiginninneq tamaat pilertortumik uterfigeqqikkaangatsigu.
3 Atuaqqissaaqatitaartartorpassuaqarpoq. Qatanngutip arnap peqqissarnermini angut inuusuttoq oqaluussiffigisimavaa. Angut inuusuttoq Københavnimut angerlamut apuukkami ingerlaannaq sianerpoq naalagaaffilersaartarfiullu sumiiffia apeqqutigalugu. Atuaqqissaaqatigineqartalerpoq, taamanimiillu ataatsimiigiartalerluni. Oktobarimi immikkut ataatsimeersuarnermut peqataavoq. Fynimi qatanngut arnaq arnamut siullermik pulaarnermini atuagassianik pisimanngikkaluartumut pulaaqqippoq. Biibilip qanoq ililluni ajornartorsiutinik aaqqiiniarnitsinni iluaqutaasinnaassusia pillugu oqaloqatigiinneq Biibilimik atuaqqissaarnermik kinguneqarpoq, maannalu arnaq ilagiit atuakkamik atuaqqissaarnerinut aggertarpoq.
4 Silarsuarmi pissutsit inuppassuarnik attuisarput. Inuit isumatsassimapput inuillu eqqarsartartut apeqqutigisartagaannut pingaartunut akissutissarsisinnaanatik. Biibilimi Guutip naalagaaffia pillugu tusarliussaq sooq taama ajortoqartigineranut, sooq ajussutsip atuutitinneqarneranut qanittukkullu qanoq pisoqarnissaanut akissutissanik imaqarpoq. (sarĸúmersitat 1:1-3) Inuit silarsuarmi anersaakkut pissutsinik ’anersaarulullutik kappialaatiginnittut’ ujartarpavut. — Hes. 9:4.
5 Sallusuissummut qiisasunik, unneqqarissunik maniguuttunillu, ikiuineq pilluaqqussutissartarpassuaqarpoq. Kajumilluta suliniuteqarutta Jehovamillu sunnertittarluta pilluaqqussutissat tamakku misigisinnaassavavut. — Fil. 2:12, 13. (kmD 95/1 Bibelstudiearbejdet: . . .)