Illit soqutiginnippit?
1 Oqaluussisarnitsinni inuit ima oqartut naapikulasarpavut: „Soqutiginninngivippunga!“ Tamanna isumatsassutigisariaqanngilarput, tassami inuit qisuariarnerat pingaarnerpaanngimmat. Uagut soqutiginninnerput pingaarnerujussuuvoq.
2 Soqutigisaq ajunngitsumik peqqissaartumillu — suliarineqartarpoq. Imminillu pissanganarlunilu nalerisimaarnartuuvoq. Soqutigisatsinnummi tamatigut piffissarsiuaannarpugut!
3 Allat soqutiginninnginnerannut qisuariarneq pitsaanerpaaq tassa iliuutsikkut matuminnga ersersitsineq: „Uagut soqutiginnippugut!“ Taamaaliorsinnaavugut sapaatip akunnerini tamani oqaluussiartornermut ilaasarnitsigut, allattaavitsinnut allattueqqissaartarnitsigut, pulaaqqitassallu atuagassiaatitsinnillu pisimasut tamaasa pulaaqqittarnerisigut.
4 Oqaluussinermi suliniuteqarluarneq akerliliissummut matumunnga qisuariaatissaalluarnerpaaq: „Soqutiginningilanga“ — apeqqummullu matumunnga akissutissaalluarnerpaalluni: „Illit soqutiginnippit?“ (kmD 94/12 Er du interesseret?)