’Messias ajugaasutut ingerlaaqatigalugu’
1 Apriilip ulluini siullerni aqqanilinni Danmarkimi inoqutigiit tamarmik nunatsinnilu illoqarfinni ilageeqarfitsinni inoqutigiit tamaasa naqitaaqqamik Jehovap Nalunaajaasuisa suut upperaat?-mik nassarluni pulaarneqassapput, taamaalillunilu annertuumik nalunaajaateqartoqassaaq. Taamaaliorneq inunnut eqqortuliorusuttunut ’inuunartumik inuunersunnissaaq’. Illit ’Messiasip ajugaasutut ingerlaaqatiginissaanut’ tamakkiisumik peqataanissat aalajangiusimaviuk, immaqa ikiorti-pioneritut? — 2 Kor. 2:14-16, NV.
2 Naqitaaraq sapinngisamik atorluarniaruk: Februaarimi Naalagaaffimmik Kiffartuuteqarnermut Ilanngussaq-mi naqitaaqqat Jehovap Nalunaajaasuisa suut upperaat? qanoq ililluni sapinngisamik pitsaasumik saqqummiunneqarnissaannut arlalinnik siunnersuuteqarpoq. Siunnersuutit tamakku iserfigilluareerpigit ilaquttatillu oqaluussisartoqatitilluunniit ilagalugit sungiusareerlugit?
3 Inissiat ilarpassui matumik silataatigut oqarasuartaateqartitilersimapput, oqaluussisartullu ilaat aperisimapput tamakkunani naqitaaqqat qanoq ililluni tunniunneqarsinnaanersut. Ima oqaannartoqarsinnaavoq: „Naqitamik ineqartunut tamanut agguaassassamik nassarpunga. Mappiussinnaavinga?“ Taava pissutsit qanoq innerat naapertorlugu nalilerneqarsinnaavoq naqitaaqqat allakkanik nakkartitsivimmut nakkartiinnassanerlugit imaluunniit inissiat tamaasa sianerfigissanerlugit. Ilaasa oqaloqatigereerluta qinnuigippatigut inissiarsuaq qimaqqullugu taamaaliortariaqarpugut. — Takujuttaaq kmt 11/85.
4 Atuagassiaaraq qanoq atorneqarsinnaasoq: Februaarimi Naalagaaffimmik Kiffartuuteqarnermut Ilanngussaq-mi immikkoortoq 13-imi naqitaaraq atorlugu suliniarnersuaqareerpat oqaluussinitsinni atuagassiaaqqap qanoq ililluni atorneqarsinnaaneranik pingasunik assigiinngitsunik siunnersuuteqarpoq. Siunnersuutit taakku alanngaaginnarnissaat siunertarineqanngilaq. Akerlianilli imarisai pigiliutikkit, pingaarnertai atorlugit namminerlu oqaatsinnik saqqummiussinnaaqqullugit sungiusakkit.
5 Atuagassiaaraq kikkunnut tamanut asuli agguaanneqassanngilaq, piviusumilli soqutiginnittunuinnaq tunioraanneqassalluni. Soorunami ’naammangaartumik siaruarterinissarput’ eqqumaffigiuartussaagaluarlugu pissusissamisuussaaq isumaliutigissallugu pulaagaq tamatumunnga ’qinngaqqunnannginnersoq’. — 2 Kor. 9:6; Mat. 10:11.
6 Atorsinnaasut allat: Ilagiit ilaasa atuagassiaaraq Jehovas Vidner i det tyvende århundrede naammattumik piginngikkunikku Jehovap Nalunaajaasui — Ataasiussuseqarlutik Guutip peqqusaanik silarsuarmi tamarmi naammassinnittut atorsinnaavaat. Tassani ersersinneqarpoq suna upperisarigipput silarsuarlu tamakkerlugu ataasioqatigiissuseq kristumiut ilumoortut ilagiivisa ilisarnaatigisaat erseqqissarneqarluni. — Juán. 13:35.
7 Atuagassiat eqqaamakkit: Naak naqitaaqqat atorlugit suliniarnersuaq atuagassiaararlu Jehovas Vidner i det tyvende århundrede salliutinniartussaagaluarlugit atuagassiat puiortariaqanngilavut. Taakkumi ’Ajoqersuisorsuatsinnit’ tunissutaapput nalissaqanngitsut. (Jes. 30:20, NV) Taamaattumik atuagassiat pigaangatsigik iserfigilluarniartariaqarpavut. Inuit oqaluussiffigisartakkatsinniittut suut pingaartippaat? Qanoq ililluni eqqissineq isumannaassuserlu pilersinneqarsinnaanersut? Aningaasaqarneq? Naalakkersuisut pitsaasut? Avatangiisit? Napasuliaq Alapernaarsuiffik-p kisimi aaqqiissutissatuaq piviusoq, Guutip naalagaaffia, tikkuartortarpaa. (Dan 2:44; Mat. 6:10) Pulaagarput atuagassiaaqqamik neqeroorfiginissaanut naammattumik soqutiginninngippat immaqa atuagassiamik ataatsimik marlunnilluunniit neqeroorfigineratigut tusarliussassatsinnut sqotuginnilersissinnaavarput. Imaassinnaavormi soqutigisarpiaanik atuagassiat imaqartut.
8 Apriilimi maajimilu piffissap annertunerusup oqaluussinermut atornissaanut periarfissarissaarpoq. Amerlasuut apriilimi ikiorti-pioneriunissartik qinersimavaat, naqitaaqqalli atorlugit suliniarnersuup kingorna iliuuseqaqqinnissamut atatillugu suliassap pisariaqartup annertussusia eqqarsaatigalugu aamma maajimi pionerit amerlasuut atorfissaqartinneqassapput. Maajimi tallimanik weekendeqarpoq, ullut tannerullutik silalu pitsaanerusarluni; ikiorti-pioneriunissamut piffissaq pitsak. Illit periarfissatit isumaliutigereerpigit? Ikiorti-pioneriusinnaagaluarutta imaluunniit naami, suliniuteqarnerunissatsinnut tamatta immikkut pilersaarusiorsinnaavugut ’Messiasillu ajugaasutut ingerlaaqatiginissaanut’ angorniorluta peqataalluta. (kmD 4/93 „I triumftog . . .“)