Aallarniutit aalajangiisuusinnaavoq
1 Aallarniutit ’Ræsonnerebogimi’ imaluunniit Naalagaaffimmik Kiffartuuteqarneq-ni kingullerni siunnersuutigineqartut ilaat misilippigit? Oqaluussisartut amerlasuut oqaluttuarsimapput aallarniutit allassimanerattut oqaatsit maliinnarlugit atorsimagamikkik angusaqarluarnerulerlutik. Allat paasisimavaat piffissaq sikivitsoq atorlugu piareersarnermikkut namminneq oqaatsitik atorlugit aallarniutit siunnersuutigineqartut tunngavigalugit saqqummiussisinnaalluarlutik.
2 Allat Naalagaaffimmik tusagassamik saaffiginnginneranni qanoq oqaaseqassallutit nalunngikkukku toqqissisimanerussaatit nalorninnginnerussallutillu. Piareersarluartaruit oqaluussineq nuannarinerussavat angusaqarluarnerussagavit. Pingaartorujussuuvoq qujaniutinik pilliutigisartakkavut sapinngisatsinnik pitsaasuunissaat. — Epr. 13:15; 1 Pîtr. 2:5.
3 Taamaattumik piareersarnissannut piffissaqartarniarit. Eqqarsaatigisaruk oqaluussiffigisanni inuit qanoq ittut naapissanerlugit. Suut eqqarsaatigisarpaat suullu isumakuluutigisarlugit? Maannakkorpiaq pisunit sunit attugaaqqappat? Akissutissat tunngavigalugit ’Ræsonnerebogimi’ quppernerit 9-15-imi aallarniut ataaseq arlallilluunniit tulluartut nanisinnaavatit imaluunniit Naalagaaffimmik Kiffartuuteqarneq-mi aallarniutit ilaat qinersinnaallugit. Aallarniutini oqaatsit nangaanak ilinnut naleqquttunngorsartakkit. Taavalu oqaluussisartoq alla ilagalugu aallarniutit sungiusartakkit. Tamatuma immaqa taanna kajumissaassavaa nammineq aallarniutini ilungersuutigineroqqullugit. Sukkulluunniit ’asanninnermut ajunngitsuliornermullu kajumissaaqatigiittaritsi’. — Epr. 10:24.
4 Piffissaq nukiillu saqqummiussinnitit pitsaanerulersinniarlugit atukkatit imminnut akilersinnaasapput. Immaqa katersuinermik sulinermi maannakkut pisumi angusaqarnerulissaatit. (km 92/5 Din indledning kan være afgørende)