Kalaallit nunaanni Jehovap Nalunaajaasuinut tamanut
Asasavut qatanngutivut!
Nuannaarutigaarput oktoberimi ilungersortumik kiffartuussinissinni angusimasassinnik nalunaarfigisinnaagatsigit:
Oqal. Atuakk. Broch. Nal.ak. Pisart. Atuag. Pulaaqq. Atuaqq.
Okt. 118 149 99 3793 36 4020 1501 123
Agg. 11,7 14,3 5,6 0,7
Ersarippoq qaammammi immikkut ittumik suliniarfiusumi ulapissimasusi. Oqaluussisartut 15-t ikiorti-pioneriusimapput, siorna oktoberip qaammataanit marloriaatingajammik amerlanerullutik. Taamaattumik 37-t annertunerusumik kiffartornermut peqataasimapput, tassa oqaluussisartut tamarmik 31 procentii. Soorlu nalunaarusiami takuneqarsinnaasoq ikiorti-pionerit anguniakkatik naammangaartumik angusimavaat, annertuumillu nalunaajaaneqarsimavoq. Ingammik Bibelimik atuaqqissaaqatigiinnerit amerliartornerat takullugu nuannerpoq. Oktoberimi Bibelimik atuaqqissaaqatigiinnerit septemberimut naleqqiutissagaanni 27-nik amerlanerupput, tassa 28 procentimik siuariarneq, siornalu oktoberimut naleqqiutissagaanni 38-nik amerlanerullutik, 45 procentimik siuariarneq. Tamaviaarnerugaangatta inngilillu inunnik eqqortulioruttunik katersuineranni piumassuseqarluarluta taakkununnga ikiuutaagaangatta qanoq pisoqartartoq malugalugu soqutiginarpoq — Jehovap pilluaqqusarpaatigut angusimasallu allisarput. — sarĸúmersitat 14:6; Malaki 3:10.
Maannakkut nakkutilliisumit angalaartumit nulianillu tikeraarfigineqarpusi. Ilagiissinni sulisimaneq pillugu nalunaarusiai ajunngitsut atuarlugit nuannaarutigaarput, tusartakkattalu takutippaat siunissaq neriugigissi kajumillusi isumalluarlusilu.
Qaammatini tulliuttuni ukiup taarnera, issinnera aputeqarneralu pissutigalugit immikkut ilungersornerusariaqarpusi qasusuittariaqarlusilu. Soorunami tamanna eqqarsaatigisariaqarparsi silalu naapertorlugu iliortariaqarlusi, kisianni kiffartuussinissinni pilersaarusiorluarneq aalajangiunniarsiuk akulikitsumillu oqaluusseriaatsit tamaasa peqataaffigalugit. Aamma Bibelimik atuaqqissaaqatigiinnerit amerlasuut akuttunngitsumik ingerlanniartarsigik. Nammineq akornuteqarussi, taava oqaluussisartoq alla atuaqqissaaqatigiinnermik isumaginnitsissiuk. Taamaaliorussi Guutip oqaasianik atuaqqissaartarneq qanoq pingaartitsigipput erseqqississaaq, saniatigullu atuaqqissaaqat siumukarnissaanut kajumissisinneqassaaq. Aammattaaq ilagiinni oqaluussisartut nutaat misilittagakitsulluunniit ikiorneqarnissaat eqqumaffigisariaqarparsi. Kuisinnerup kingorna allaat sallusuissummi aalajaalliniaraanni ikiorneqarnissaq tapersersorneqarnissarlu pisariaqarput, kristumiutut kiffartuussinermi teokratiimik pitsaasunik ileqqoqarniarumaluni Jehovallu silarsuaq tamakkerlugu peqatigiissortaanut ilaasortaanermik nuannaarutiginnikkumalluni. Kristumiunngorlaat Satanimit immikkut tatineqarajuttarput. Sapinngisaminik taakkua sallusuissummik aalajangiussinissaat pinngitsoortinniartarpaa. Pilersaarutipilui nalunngilavut. Ikioqatigiillutali aalajaatsumik uppersuseq ineriartortillugu attakkutsigu peqatigiilluta akiorsinnaassavarput, qimakkumaarpaatigullu. — 1 Pîtruse 5:8, 9.
Ilisimassavarsi ’qanoq sulisartusi asanninnissigullu assorortartusi qanorlu nikallujuitsusi’ eqqarsaatigigipput. Maligassaalluarassi aalajaatsumillu uppersuseqarlusi tamatsinnut kajumissinarpoq uppernikkullu nakussatsinnarluni. Asannittumik inuulluaritsi.
Qatanngutisi
Vagttårnets Bibel- og Traktatselskab
Oqaluussinermut tunngasumik ataatsimiinnermi tulliuttumi saqqummiunneqassaaq.