Kalaallit nunaanni Jehovap Nalunaajaasuinut tamanut
Asasavut qatanngutivut!
Nuannaarutigaarput augustip qaammataani kiffartuussinissinni angusimasassinnik nalunaarfigisinnaagassi. Nalunaarusiaq ima isikkoqarpoq:
Oqal. Atuakk. Broch. Nal.ak. Pisart. Atuag. Pulaaqq. Atuaqq.
Aug. 122 174 169 2251 32 3331 974 82
Agg. 10,1 12,1 5,0 0,5
Nalunngilarput Kalaallit Nunaanni ataatsimeersuartarnerit assut pisariusartut aaqqissuisunut najuuttunullu. Uatsinnit Danmarkimiittunit allanerusunik atugaqarpusi, tassa amerlanersasi ungasissumit aggertariaqartaramik, angalanerminnut akissaajartaqalutik, ataatsimeersuarnerullu saniatigut ullut arlallit Nuummiittariaqartarlutik. Taamaattorli augustimi oqaluussinermi nersornaqisumik naammassisaqarpusi. Siorna taamaalineranut naleqqiullugu oqaluusseriaatsini tamanngajanni siuariarneqarpoq. Assersuutigalugu, nalunaaquttap-akunneri atorneqartut 24 procentinik amerlanerupput atuagassiallu agguaanneqarsimasut 46 procentinik amerlanerullutik, aammalu Bibelimik atuaqqissaaqatigiinnerit 82-iupput, tassa 12 procentinik amerlanerullutik. Tamanna qiimmaallannaqaaq, naammassisimasasilu nuannaarutigissallugit pissutissaqarluarpusi.
Aammattaaq ukioq oqaluussiffiusoq 1990 pillugu nalunaarusiat tamaasa katiterlugit kisippavut, taasinnaavarpullu angusimasani tamangajanni siumukarneqartoq ukiumut siulianut naleqqiullugu. Pingaartumik taaneqartariaqarpoq marloriarlusi oqaluussisartut amerlanerpaaffiat qaanngersimagassiuk pulaaqqissimasasilu 15.550-iummata, tassa 8,3 procentinik amerleriarlutik. Jehovap ersarissumik ilungersortumik noqqaaniarnisi pilluaqquai, qaammatit tamaasa agguaqatigiissillugit Bibelimik atuaqqissaaqatigiinnerit 99-t siulersorsimagassigik, 13 procentinik amerlanerusunik. Nalunaaquttap-akunnerit oqaluussisartut ukioq tamaat oqaluussinermut atorsimasaat agguaqatigiissillugit amerlaqaat, tassa nalunaaquttap-akunneri 11,5-t.
Allakkat uku tigugussigik oktoberimi suliniarnersuaq immikkut ittoq aallarteqqajaalereersimassaaq, neriuppugullu kiffartuussinissami ilagiinni utoqqaanertanit pilersaarutigineqartumi tamassi peqataalluarsinnaassasusi. Ilasi qularnanngitsumik ikiorti-pioneriussamaarput, naak pilliutigisassaqarnassagaluaqisoq. Taamaattorli David Aravnalu pillugit oqaluttuap takutippaa Jehovap kiffamini pilliuteqarusussuseq pingaartikkaa pilluaqqusarlugulu. Karrertaajaavik, ussigit pilliutissat qisussallu Jehovap Davidimut pilliutigeqqusaanut atugassat Aravnap akeqanngitsumik tunniunniarmagit, David akivoq: „Naagga, ilinnit pisiariinnassavakka akissaat naammatsillugu akilerlugit, pilliutinik nammineq akilersimanngisannik pilliiumannginnama.“ Jehovap David taama isumaqarnera pillugu pilluaqquaa, oqaluttuarmi ima nangimmat: „[Jehovap] nunap inuisa qinnutaat tusarpaa nappaallu toqoraataasoq kipitillugu.“ (2 Sam. 24:24, 25) Davidip pilliutaa Davidimut allanullu iluaqutaavoq. Uagut kiffartuussinitsigut pilliuteqaraangatta uatsinnut allanullu iluaqutaassaartaaq. (Epr. 13:15) Aap, ’pilliutit akilersimasat’ Jehovap isaani naleqartorujussuupput uatsinnillu ikiuinissaanik pilluaqqusinissaanillu nassataqartarpoq.
Nunarsuarmi tamarmi inuppassuarnut ’ajunngitsuliornermut ilungersortunut’ peqatigalusi ilaanerput pingaartillugu (Tít. 2:14), asannittumik inuulluaqquassi ajunngitsunillu kissaallusi.
Qatanngutisi
Vagttårnets Bibel- og Traktatselskab
Oqaluussinermut tunngasumik ataatsimiinnermi tulliuttumi saqqummiunneqassaaq.
P.S. Nammineq pilersaarusiornissarsi pillugu, maannangaaq nalunaarutigisinnaavarput ataatsimeersuarneqassasoq Nuummi 1991 augustip ulluisa 2-iannit 4-iat ilanngullugu.