Kalaallit nunaanni Jehovap Nalunaajaasuinut tamanut
Asasavut qatanngutivut!
Aprili pillugu nalunaarutit katiterlugit kisileratsigik pissangaqaagut. Qaammat tamanna pingaartinneqarsimasoq eqqarsaatigalugu qanoq ingerlasimava? Maanna pissanganeq qaangiuppoq, qularinngivipparpullu aprilimi oqaluussinermi angusimasanik ataatsimut nalunaarut manna nuannaarutigissagissi:
Oqal. Atuakk. Broch. Nal.ak. Pisart. Atuag. Pulaaqq. Atuaqq.
Apr. 116 150 107 3956 51 3819 1731 133
Agg. 13,1 11,4 6,4 0,7
Nalunaarut nersorneqaatissaavoq. 40-t tamakkiisumik oqaluussisarnermi peqataasut tassaapput oqaluussisartut tamarmik 34,5 procentii, Jehovallu eqiasuillusi angusaqarniarsimanersi pilluaqqusimagaa erseqqissorujussuuvoq. Tassami pulaaqqinnerit 1731-iusimapput Bibelimillu atuaqqissaaqatigiinnerit 133-iusimallutik. Pulaaqqinnerit aamma Bibelimik atuaqqissaaqatigiinnerit amerlassusiisa Kalaallit Nunaanni angusimasat annerpaaffiat qaangerpaat. Aammattaaq Bibelimik atuaqqissaaqatigiinnerit 1989-imi aprilimit 38 procentinik amerlanerupput. Siorna upernaakkut suliniarnersuarmi tamarmi hjælpepionerit 29-iusimapput, maannakkullu tamanna qaangereerparsi. Qaammatinut pingasunut tamanut qanoq angusaqarsimanersi tusassallugu qilanaarnarpoq.
Allakkat uku tigugussigit upernaakkut suliniarnersuaq qaangiutilersimassaaq, teokratiimillu pingaartorsiorfissaq qilanaarnartoq tulleq tassaavoq aasaru nunap immikkoortoqarfiani ataatsimeersuarnissami „Oqaatsit minguitsut“-nik qulequtaqartumi najuunnissarput. Nerersuarnissaq anersaakkut ittoq taanna qilanaarissallugu pissutissaqarluarpoq, erseqqissaarneqaqqikkumaarmat Jehovap ajoqersuinera iluaqutigigipput nuannaarutigigippullu. — Isaia 48:17; 54:13; 30:21.
Aasaru pisussanut tunngatillugit oqaatsit 2 Môrsase 34:14-imiittut eqqaamasariaqarpavut, allassimammat: ’Guuti alla pallorfigissannginnakku. Massa Jehova ilungersortumik ateqarpoq, Guutiuvoq ilungersortoq.’ ’Kajumittumik tunisisoq Jehovap asagamiuk’ uagut ’uumitsalluta ajornartoortitaallutalu’ kiffartorfigissagitsinni kissaatiginngilaa, kisianni ’uummatitta pilersaarutigisaanik’ kiffartuussinissarput kissaatigaa. (2 Korintumiut 9:7) Tunniulluinnarsimanissarput piumavaa Pinngortitsisuugami qilammi nunamilu kisimi oqartussaalluni. Guutiugami ’ilunngersortoq’ sumilluunniit imaluunniit kimilluunniit inangerneqarusunngilaq kiffartortimi inuuneranni.
Aasaru sussanerluta pilersaaleraangatta eqqaamasariaqarparput Jehova Guutimik ’ilungersortumik’ taaneqartoq.
Ataatatsinnik asannittumik, Jehovamik, ilagalusi kiffartuussinerput nuannaarutigalugu, asannittumik inuulluaqqungaarpassi.
Qatanngutisi
Vagttårnets Bibel- og Traktatselskab
Oqaluussinermut tunngasumik ataatsimiinnermi tulliuttumi saqqummiunneqassaaq