SAMMISAQ PINGAARNEQ | SAATANI PIVIUSUUA?
Saatani piua?
Spaniami Madridimi Saatani inngilitut ajortunngorsimasutut qiperugaliarineqarsimasoq
“Nukappiaraallunga naalanngikkaangama anaanama ima oqarfigisarpaanga: ‘Diaavulup tigussavaatit!’ Taava ima akisarpara: ‘Aggiinnariannguarli!’ Taamanimi Guuti upperalugu Saatani upperinngilara.” — ROGELIO, EL SALVADOR.
Nukappiaraq Rogelio isumaqatigaajuk? Isummat ataani allassimasut arlaat sorleq uppernarpasippa?
Saatani piviusuunngilaq; ajortumut assersuutaannaavoq.
Saatani piuvoq, inuilli soqutigerpianngilai.
Saatani anersaajuvoq pissaanilik inunnut sunniuteqangaartoq.
Isummat pingasut taakku immikkut upperinnitseqarput, immaqa inunnik millionilinnik. Isummalli taakkua arlaat sorleq eqqortuunersoq soqutaava? Saatani piunngippat piuneranik upperinnittut salloqittagaasimassapput. Saatani piuppat inunnilli soqutiginninnani inuppassuit pissutissaqanngitsumik mianersortuupput allaalluunniit sioorallutik. Saatanili tassaaguni peqquserlulluni sianiinaariniartartoq inuit amerlanerit takorloorsinnaasaannit navianarneruvoq.
Apeqqutit uku Biibilimi akissutissarsioriartigit: Saatani suua imaluunniit kinaava — ajortumut assersuutaava, imaluunniit anersaajua kinaassusilik? Kinaassusiliuguni Saatani ilinnik navianartorsiortitsiva? Navianartorsiortitsippat qanoq imminut illersorsinnaavit?