„Guutip aqqa nalunngiliuk?“

ARNAP Asiap qeqqata kujataata kitaani najugaqartup apeqqut taanna Vågn op! 22. januaari 2004-moortup saqqaani allassimasoq malugaa. Arnaq atuagassiamik tamatuminnga saqqummersitsisartunut ima allappoq: „Atuagassiaq ingerlaannaq soqutigilerpara. Vågn op! ileqqussatigut najoqqutassianik ajunngitsunik pingaartitsinissannut iluaqutigaara, isumalluartuunerulerpungalu. Guuti pillugu taassuminngalu ilisarsinikkut eqqissineq pillugu kikkut tamaasa oqaloqatigisarpakka.“

Ilumullimi allaat „nunarsuup isua tikillugu“ Guutip aqqa, Jehova, naluneqarunnaarpoq. (Apustilit Suliaat 1:8) Assersuutigalugu ateq Yehowa Allakkani Illernartuni Turkmenistanimiunngortitami arlaleriarluni atorneqarpoq. Tussiaat 8:1-imi ima allassimavoq: „Jehova, Naalagarput, nunarsuarmi tamarmi aqqit ataqqinangaarpoq!“

Arnaq Jehova Guuti pillugu paasisaqarnerorusuppoq atuagassiaararlu Guds navn der vil bestå for evigt 32-nik quppernilik piumallugu. Aamma illit atuagassiaaraq taanna Jehovap Nalunaajaasuisa ilaannit piniarsinnaavat. (wE 6/15 07)