Daniel ataatsimeersuarnissamullu kinaassutsimut allagartaa

UPPERISARSIORNIKKUT siuttuusut imminut iluartuutittut nukappiaqqat Guutimik kikkut tamarmik takkuanni unnersiutiginnittut uumitsaatigimmatigik Jiisusip avoqqaarai. Naleqquttumik ima aperai: „Imaattut atuanngisaannarpisigit: Naalungissat miluttullu qarninit erinalimmik unnersiutigineqarnissat piareersarpat?“ — Matthæusi 21:15, 16.

Daniel arfinilinnik ukiulik, Tysklandimi ilagiinni russisut oqaasilinniittoq, meeqqat nalitsinni aamma Jehovamik unnersiutiginnittarnerannut uppernarsaataavoq. Anaanani aleqanilu ilagalugit Danielip Duisburgimi Jehovap Nalunaajaasuisa ataatsimeersuarnerat najuuffigaa. Ataatsimeersuarnermut taama najuuttoqartigisumut najuuteqqaarput. Aatsaat suna tamaat takuaat: hotelli, tusarnaartorpassuit, ulluni pingasuni nipaalluni issianeq, kuisittoqarnera minnerunngitsumillu isiginnaartitsineq. Danielimi? Pissuserissaarnermigut maligassiuivoq.

Ataasinngornikkut ataatsimeersuarnerup kingorna angerlareerlutik Daniel meeqqerivimmukarniarluni makiaarpoq. Sunali suli jakkianiippa? Ataatsimeersuarnermi kinaassutsimut allagartaa! „Daniel, ataatsimeersuarunnaareerpugut. Piiginnarsinnaavat,“ anaanaata nassuiaappaa. Danielili ima oqarpoq: „Sumiissimanera sunillu ilikkagaqarsimanera kikkunnut tamanut paasitikkusuppara.“ Ulloq taanna naallugu meeqqerivimmi Danielip kinaassutsimut allagartani tulluusimaarluni atorpaa. Ilinniartitsisumi suunera apeqqutigimmagu ataatsimeersuarnermi saqqummiunneqartunik oqaluttuuppaa.

Ukiut hundredelikkuutaat ingerlaneranni nukappiaqqat niviarsiaqqallu tusindilikkuutaat maligassiuinerat malillugu Danielip kikkut tamarmik takkuanni nakimaalluni Jehova unnersiutigaa. (wE 11/1 06)