„Sooq maaniippugut?“

ELIE WIESEL Nobelip nersornaatisiuttagaanik nersornaatisisimasoq Holocaustimillu aniguisimasoq „apeqqutit inuup isummerfigisariaqagaasa pingaarnerpaartaannik“ taasaqarpoq. Apeqqut imaappoq: „Sooq maaniippugut?“

Apeqqut taanna eqqarsaatigeqqissaarnikuuiuk? Inuppassuit taamaaliorsimapput akissutissarsinatilli. Oqaluttuarisaanermik ilisimatooq Arnold Toynbee inuuneq sumik siunertaqarnersoq nassuiarniarsaralugu ilaanni ima allappoq: „Inuup siunertavia tassaavoq Guutimik unnersiutiginninneq Taassuminngalu naassaanngitsumik nuannaarutiginninneq.“

Soqutiginarpoq ukiut 3000-t sinnerlugit matuma siornali kunngip silatuup Salomop, inuunermik alaatsinaattartup paasilertuisartullu, apeqqutip tamatuma akissutaa tunngaviusoq nalunaarutimmagu. Ima oqarpoq: „Tamaasa tusareerukkit ima ataatsimut katinneqartissavatit: Guuti mianeruuk inatsisaalu maleruarlugit, inuit tamarmik taamaaliortussaapput!“ — Oqaluussisartup oqaasii 12:13.

Guutip ernerata, Jiisusi Kristusip, najoqqutassiaq tunngaviusoq taanna aamma maleruarpaa. Nunamiitilluni Ataatani qilammiusoq naalannarsisinniarlugu sapinngisani tamaasa iliuuserisarpai. Pinngortitsisiminut kiffartornini Jiisusip inuunermini pisuunnguutigaa. Inuussutissamisut isigamiuk nakussatsissutigisaramiullu ima oqarpoq: „Uanga nerisassara tassaavoq aallartitsisima piumasaa malillugu iliornissaq.“ — Johannesi 4:34.

Sooq maaniippugut? Jiisusip, Salomop Guutimullu kiffartortut allarpassuit siunertaqarluartumik inuuneqarnerattulli uagut Guutip piumasaatut iliornitsigut siunertaqarluartumik inuulersinnaavugut naassaanngitsumillu pillualersinnaalluta. Guutimik „anersaakkut ilumoornikkullu“ qanoq pallorfiginnittoqarsinnaanersoq pillugu paasisaqarnerorusuppit? (Johannesi 4:24) Jehovap Nalunaajaasuisa eqqaamiorisavit nuannaarlutik ikiorusuppaatsit apeqqutip uuma akissutissarsiornerani: „Sooq maaniippugut?“ (wE 10/15 06)