„Sunaana isertugaataasoq?“

MURIEL, anaanaq pingasunik meeralik, tupaallaatigeqisaminik angummit utoqqasaamit neriniartarfimmi apeqqummik tamatuminnga aperineqarpoq. Murielip meeqqani nakorsiaassimavai. Kinguaattooriaramik, kristumiut ataatsimiinnerannut najuukkiartunnginnerminni, angerlarlutik nerinissartik angumerisinnaasimanngilaat. Taamaattumik meeqqani neriniartarfimmut qanittumiittumut neriartoqatigai.

Neriunnaarunnarseriarmata angutip Muriel saaffigaa oqarfigalugulu: „Iserassili maluginiarpassi, maluginiarparalu meeqqatit takusartakkannit allanit allaanerulluinnartut. Pequttit qanoq pisarneraat takussagaluarpatit. Nissutik nerrivimmut qaqisimasarpaat issiaviillu isimmikattartarlugit. Illilli meeqqatit eqqissisimasuullutillu perorsarsimalluartuupput. Sunaana isertugaataasoq?“

Murielip akivaa: „Uigalu meeqqavut aalajangersimasumik Biibilimi atuaqqissaaqatigisarpavut, najoqqutassiaalu malinniartarlutigit. Jehovamut nalunaajaasuuvugut.“ Angutip akivaa: „Uanga juutiuvunga sorsunnersuullu aappaani juutinik toqoraanersuaq anigorsimavara. Tysklandimi Jehovap Nalunaajaasuisa qanoq malersugaatigisimanerat eqqaamavara. Allaat taamani immikkooruteqarput. Meeqqavit pissusilersornerisa nuannaajallatseqaannga. Upperisarsi misissortariaqarpara.“

Biibili meeqqanik perorsaaniarnermi najoqqutassaalluarpoq. Allat tassani siunnersuutaanik iluaqutissarsitikkumallugit Jehovap Nalunaajaasuisa nuannaarutigalugu ikiuerusupput. Neqeroorutip tamatuma atorluarnissaanut tikilluaqqusaavutit. (wE 1/15 05)