„Uppinngitsut qamutinik uniaqatiginiaqinasigik!“

SOORLU assilissami takusinnaagit qatigattuup ussiullu assallatsereqatigiinnertik artorsaatigaat. Uniutip ataqatigiissutaat nersutinut marlunnut angeqatigiikannerlutillu nakooqatigiikannersunut naatsorsuussaasoq, nersutit marluullutik naalliunnerannut pissutaavoq. Guutip qimuttut taamaattut atugarissaarnissaat eqqarsaatigaa Israelikkunnut oqarami: „Ussik siutitoorlu ataatsikkut uniartigalugit assallatserissanngilatit.“ (5 Mosesi 22:10) Inatsit aamma atorneqarsinnaavoq ussik qatigattoorlu pineqarpata.

Naasorissaasoq nersutaatiminik taamatut artorsartitsisanngilaq. Marlunnilli ussiuteqanngikkuni nersutaatini assigiinngitsut marluk assallatseritissinnaagunarpai. Naasorissaasoq assilissamiittoq 1800-kkunneersoq taamaaliorsimagunarpoq. Nersutit taakku marluk angissutsimikkut oqimaassutsimikkullu assigiinngissutaasa uumasoq sanngiinnerusoq angummanniarluni tamaviaartariaqalersippaa, nersullu nakuunerusoq artornarnerusumik nammagassaqalersillugu.

Apustili Paulusip assersuut tamanna atorlugu pingaarutilimmik ilinniartippaatigut. Taanna allappoq: „Uppinngitsut qamutinik uniaqatiginiaqinasigik! Iluaannerummi inatsisaanneq sukkut peqatiginerpaa? Qaamasoq taartorlu sukkut assigiissuteqarpat?“ (2 Korinthimiut 6:14) Kristumiu qanoq ililluni uppinngitsumik qamutinik uniaqateqalersinnaava?

Assersuutigalugu uppeqatiginngisaminik aappassaminik qinersinermigut. Aappariinnerup taamaattup marluutillugit ajornartorsiortissavai, pissutigalugu aappariit apeqqutini tunngaviusuni akerleriissammata.

Jehovap aappariinneq atulersikkamiuk nuliaasoq angummut „tulluartuliaraa“ taassumunnga naleqquttoq. (1 Mosesi 2:18) Aamma pruffiiti Malakip nuliaasoq uiusumut ’atavissutut’ taavaa. (Malaki 2:14) Pinngortitsisup kissaatigaa aappariit suleqatigiilluarnissaat, uniaqatigiinnissaat anersaakkut ittumik siunnerfeqarlutik nammaqatigiinnissaat pilluaqqussutinillu aveqatigiinnissaat.

Taamaallaat „Naalakkami“ katinnikkut Ataatatta qilammiusup siunnersuutaanik kristumiutut ataqqinninneq takutinneqartarpoq. (1 Korinthimiut 7:39) Taannarpiaavoq aappariit ataqatigiilluarnerannut tunngaviusoq. Aappariinneq taamaattoq Guutimut nersornaataallunilu ataqqinaataassaaq aappariillutik kiffartuukkamikku ’uniaqatigiillutik’ imminnullu „ataqatigiillutik“. — Filippimiut 4:3.  (wE 10/15 03)

[Suminngaanneernera]

Qatigattooq ussillu: Atuakkamit La Tierra Santa, atuagaq 1, 1830