„Ikioqqullutik suaartartunut“ tuppallersaat

BIIBILI tassaanngilaq atuagaq eqqarsartaatsikkut peqqinnissamut ilinniut. Ernumassuteqartaraluarluta inuunermik pingaartitsisinnaatilluta tuppallersarluta ikiortarpaatigut. Eqqortumik allassimavoq: „Inuk arnamit erniusoq inuunikittarpoq eqqissinaatsorsiortaqalunilu.“ (Jobi 14:1) Naammalluinnanngitsuunerput annikilliuutitsinnut pissutaaqataavoq. Kinali inuit naalliuutaannut akisussaanerpaava?

Biibilimi ersersinneqarpoq taanna tassaasoq anersaaq ajortoq Diaavulumik Saatanimillu taaneqartoq. Taanna „silarsuarmik tamarmik tammartitsiniarpoq“ inuillu atugarliuutaannut ajornartorsiuterpassuinullu pisuulluni. Guutilli oqaasiata piffissaarutilerneranik ilisimatippaatigut. (Saqqummersitat 12:9, 12) Guutip akuliunneratigut annikilliuutit nunap inuinut atugarititai soraarsinneqassapput. Biibili naapertorlugu ’nunap nutaap iluassutsip najugarisassaata’, Guutip neriorsuutigisaata, neriuuteqannginneq ernumatsassimanerlu soraarsissavai. — 2 Petrusi 3:13.

Tuppallernangaarpoq nalunagu inuit naalliuutaat atuukkunnaarumaartut. Jiisusi Kristusip siulersuineratigut Guutip qilammi naalagaaffiata naapertuilluanngissuseq naalliuutillu soraarsissavai. Guutip kunnginngortitaa pillugu Biibilimi allassimasoqarpoq: „Annaatissavai piitsoq ikioqqulluni suaartarpoq annikilliortitarlu ikiortissaaleqisoq. Nallittussavai sanngiitsut piitsullu, piitsullu inuunerat annaatissavaa. Aniguisissavai qunutitaanermit nakuuserfigisaanermillu, aavat erlinnangaartuuvoq taassuma isaani.“ — Tussiaat 72:12-14.

Siulittuutit taakku qanittukkut eqquutissapput. Nunami paratiisiusumi pissutsit nuanningaartut atuutillugit naassaanngitsumik inuusinnaavugut. (Lukasi 23:43; Johannesi 17:3) Neriorsuutinik qiimmaallannartunik Biibilimi saqqummiunneqartunik ilisimasaqarneq, ’ikioqqullutik suaartartunut’ neriuuteqalersitsillunilu tuppallersaataasarpoq. (wE 7/15 03)

[Suminngaanneernera]

Niviarsiaraq nanerlisimasoq: Assilisaq ILO/J. Maillard