Inuuneq naassaanngitsoq qineruk

INUIT aatsaat taama qinigassaqartigilerput. Atisassat, nerisassat, inissaq suliffissarluunniit inuit ilarpassuisa namminneq qinersinnaasarpaat. Nunani amerlanerni aamma uissaq nuliassarluunniit nammineq qinerneqartarpoq. Kisianni Biibilimi allanit tamanit pingaarnerusumik qinigassinneqarpugut — qinigassaq inunnut tamanut ammasoq.

Biibilimi allassimavoq: „Iluarnermik aalajangiussisoq inuunermut atasuuvoq, ajortussamilli noqqaajuarneq toqumut atasuuvoq.“ (Ussatit 11:19) Aamma Jiisusi Kristusi oqarpoq: „Inuunerlu naassaanngitsoq tassaavoq ilinnik, ilumut kisimi Guutiusumik aallartitannillu Jiisusi-Kristusimik, ilisimanninneq.“ — Johannesi 17:3.

Aap, Pinngortitsisup inuunermik naassaanngitsumik qinersinissamut periarfissippaatigut. Kisianni inuuneq naassaanngitsoq anguniarlugu qanoq iliortariaqarpugut?

Biibilimi allassimavoq: „Iluarnerup aqqutaaniippoq inuussut.“ (Ussatit 12:28) Iluartut inuunermut naassaanngitsumut aqqutikkut ingerlasut akornanniissinnaavugut. Qanoq ililluta? Ilumut Guutip piumasaa oqaaqqissaarutaalu malillugit inuunerluta qulakkeerniartuarutsigu. (Matthæusi 7:13, 14) Taamaattumik eqqortumik qinersisa Guutillu tunissutaa inuuneq naassaanngitsoq ilassillugu. — Romamiut 6:23.  (wE 5/15 03)