Ilinniartitsisup paqumisunneranut angajoqqaat akerliliipput

Cassano delle Murgemi Italiamiittumi ilinniartitsisup atuartitami ilaat nipitittakkanik angerlaatassaannik tunivai. Matumut silarlermut nipititassatut naatsorsuussaapput imalu oqaasertaqarlutik: „Katuulliuvugut. Jehovap Nalunaajaasui qinnuigaavut maanga kasuttoqqunagit.“

Atuartut ilaasa angajoqqaavi ilinniartitsisup iliuuserisaanut, naak namminneq Jehovamut nalunaajaasuunngikkaluarlutik, sakkortuumik akerliliipput. Aviisip Muoviti Muoviti-p angajoqqaat assuarinninnerannut pissutaasoq nassuiarpaa: ’Meeqqanut taamatut tusarliineq allatut eqqarsartaasilinnik tamanik itigartitsisarnerannut iumaluunnit „allatut“ upperisaqarneriinnaat pillugu ilaluarinnittarnerannut ilasaataasinnaavoq.’ Angajoqqaat ilaata aviisimut allattup nipitittagaq taavaa „naasupiluup kingunissaa, ilisimasaqannginnerup sianiinnerullu pilersitaa“.

Soorlu atuartartup allagaata tamatuma takutikkaa, inuit naapertuilluartut amerlasuut paqumisunnerup siaruarternerata ulorianartui arajutsisimanngilaat. Aammattaaq Jehovap Nalunaajaasuisa Italiami tamarmi silarsuarmilu tamarmi sulinerat amerlasuunit ataqqineqartorujussuuvoq. Soormi Jehovap Nalunaajaasui aperigukkit ’neriuutigisaannut’ suna tunuliaqutaanersoq? Nuannaarlutik oqaloqatigiissutigiumassavaat — taamaaliussappullu „mianerinnillutik“. — 1 Pîtruse 3:15.