’Anori assoraangatsigu’

Markusip iivangkiliumini Jesusip ajoqersugaasa Galilæap Tasersua ikaartillugu ilungersunartorsiornerat allaatigaa. Ilaatigut ima allappoq: ’Ipunniarlutik ajulerput, anori assoramikku.’ Jesusip nunamiit qanoq pisoqarnera takugamiuk tupinnartuliornikkut immakkut pisulluni ornipai. ’Umiatsiaamullu ikkivigimmagit qatsorpoq.’ — Mákorse 6:48-51.

Biibilimik allattup taassuma siusinnerusukkut ’anoraasuartorsuanngornera’ allaatigaa. Jesus qanoq iliorpa? ’Anori appisaluuppaa’. ’Anori taava atorsarorpoq qatsorluinnarlunilu.’ — Mákorse 4:37-39.

Naak tupinnartulianik taama ittunik ullutsinni takunninnissatsinnut pisinnaatitaanngikkaluarluta tamakku ilinniutigisinnaavavut. Inuttut naammalluinnanngitsuugatta atugarliornerit anoraat atugarinngitsoorsinnaanngilavut. (2 Timûtiuse 3:1-5) Immaqa ilaatigut misilinneqartilluta erloqissutigisartakkavut anorersuarsiornertut ittutut misigisarpavut. Kisianni ikiuutissaqarpoq! Jesusip kajumissaarpaatigut: ’Ornissinga tamassi erloqisusi nanertugaasusilu, qasuersissavassi.’ — Matîuse 11:28.

Anori assortillutigu uummatikkut eqqissingaarneq misigisinnaavarput Jehovap neriorsuutaasa kukkusinnaanngitsut tatiginerisigut. — Naleqqiuguk Jesaja 55:9-11; Filípimiut 4:5-7.