Meeqqatit atuffattakkit

Brasiliamiut atuagassiaataat Veja malillugu atuarnermik nuannarisaqarluartut meeraasa atuakkanik nuannarisaqalernissaat ilimanarnerujussuuvoq meeqqanit angajoqqaanik taamaattunik maligassaqanngitsunit. „Angajoqqaat meeqqaminnut nipituumik atuffassigaangamik, attaveqatigiinnerat qaninnerulertarpoq, meeqqallu atuakkap imarisaata pissarsiffiginissaat ajornannginnerutittarpaat,“ Martha Hoppep meeqqat ineriartornerannik immikkut ilisimasallip qularnaallillugu paasisimavaa.

Meeqqat nipituumik atuffatsillugit apeqqutaasa akinissaannut aamma periarfissaasarpoq. Assilissanik ilanngussisoqarpat oqaluuserineqarsinnaapput. Hoppe maluginiagaqarsimavoq: „Meeqqap atuakkat imarisaannik paasinninnerujartornini ilutigalugu, nammineq paaserusutami akissutissaannik atuakkani ujarlernissaminut piumassuseqarnera alliartortarpoq.“

Jehovap nalunaajaasuisa akornanni angajoqqaat amerlasuut meeqqatik atuffatissallugit nuannaraat. Assersuutigalugu Biibilimit oqaluttuaatikka, Ajoĸersuissorssuaĸ tusarnârparput aammalu Inuk inuit inuusimasut pingaarnerpaartaat atorlugit atuffattarpaat.a Atuakkat taamaattut meeqqat atuffarinnerulernissamut ikiuinnarnagit silarsuarmi atuakkat tunineqarnerpaartaannut, Biibilimut, soqutiginninnerat annerulersittarpaat. Meeraqaruit pingaaruteqarpoq Guutip oqaasianik atuarnermik nuannarisaqarnermik maligassiuilluarnissat. (Josva 1:7, 8) Aammalu nipituumik atuffannissannut pinngitsoornak imminut piffissaqartigit. wE 1/5 99

[Quppernerup ataani ilanngussaq]