„Anorersuartumi avalannertut ippoq“

TAAMAALIORNEQ ippinnartutut, sianiilliornertut immaqalu ajunaarutaasinnaasutut isigerusussanngikkaluarpiuk? Ilaat assersuutaasutut ittumut imminnut taama pisittarsimapput. Qanoq ilillutik? 1600-kkunni atuakkiortoq tuluk, Thomas Fuller, oqarsimavoq: „Kamarujussuartillutit qanoq iliuuseqartaqinak. Taamaaliorneq anorersuartumi avalannertut ippoq.“

Aqussinnaanngisamik kamalluni iliuuseqarneq alianartumik kinguneqarsinnaavoq, tamannalu pisimasumi Biibilimi oqaluttuarineqartumi uppernarsarneqarpoq. Simeon Levilu, ataataanerpaap Jakobip erneri, kamaqalutik akiniaaniarput qatanngutertik Dina pinngitsaalineqarluni arneriffigineqarmat. Toqoraanersuarmik ujajaanermillu kinguneqarpoq. Tupinnanngitsumik Jakobip taakkua iliuusii assuarai ima oqarluni: „Ajunaarutissiorpassinga nunap inuinut . . . uuminarsarassinga.“ — 1 Moses 34:25-30.

Silatusaartumik Guutip oqaasiata, Biibilip, tamatuma akerlianik peqquaatigut. Allassimavoq: „Narrutsannaveersaarniarit kamattarunnaarlutillu, uumitsannaveerit tamanna ajunaarutaaginnartussaammat.“ (Tussiaat 37:8) Siunnersuutip tamatuma maleruarneratigut ajortuliornerit sualuttut pinngitsoorneqarsinnaapput. — Nalunaajaasup oqaasii 10:4; aamma takuuk Ussatit 22:24, 25. (wE 15/4 99)