Oqaluttarpit ajuallannartumik imaluunniit katsorsaataasumik?

PIFFISSAMI artornartumi matumani tupinnanngilaq inuppassuit ’neriuutaarussimallutillu sapiissuseerutitaasimammata’. (Tussiaat 34:19) Taamaattumik Paulusip oqarsimaneratut ’nikallortut tuppallersarneqartariaqarput’ ’sanngiitsullu illersorneqartariaqarlutik’. (1 Tásalûníkamiut 5:14) Inoqatittali eqqunngitsuliorfigippatigut imaluunniit sualuttumik ajortuliorpata? Taamaappat isumaqarsinnaagaluarpugut pissutissaqarluarluta taakku avoqqaarissallugit. Mianersortariaqarpugulli. Naveersineq pissutissaqaraluartoq sakkortuallaamik tunniunneqaruni ajoqusiisinnaavoq. Ussatit 12:18-imi allassimavoq: „Eqqarsariaqqaarnani oqaaserisat panatut kapisisarput.“

Taamaattumik naveersiniarutta paasinerluinerluunniit aaqqinniarutsigu Ussatit 12:18-ip nanginnera eqqaamasariaqarparput: „Sianisuulli oqaasii katsorsaataasarput.“ Imminut aperigit: ’Uanga naqqinneqartariaqaleruma qanoq iliorfigineqarusuppunga?’ Amerlanersatta qiimmassarneqarneq avoqqaarineqarnermit ajunnginnerusumik qisuariarfigisarpaat. Taamaattumik nersualaarilluartarit. Taamaalilluni naqqinneqartoq pitsaanerusumik pissuseqalernissaminut kajumissisinneqassaaq, qularnanngitsumillu ikiorneqarnissani ilassilluassallugu.

Pingaaruteqarluinnarpoq kamannerput nunusinnaassallugu saamasumillu oqaluttassalluta. Oqaatsit katsorsaataasut tusarnaartoq tussiaasiortutut ima allassimasutut misigitissavaat: ’Iluartup patippanga isumassorneqassaanga, inerterpanga niaqquma tarnutigissavaa, niaqora peqqunngissanngilaq.’ — tugsiautit 141:5. (wE 1/7 98)