’Kimittuujullunilu Qularunnaarsitsisoq’

„AQAGUMIIT oqaluussinermi atulissavara, tunngavilersuutit imarisai kimittuujullutillu qularunnaarsitsisuummata,“ Jehovap nalunaajaasuisa ilaat Frankrigimeersoq taama allassimavoq. Nalunaajaasoq USA-meersoq allappoq: „Tigugakku erniinnarluinnaq atuarpara oqaluussinermilu atulernissaa utaqqisinnaanagu, inuppassuimmi soqutiginninngitsut Biibilimillu tatigisaqanngitsut naammattoortaratsigik.“ Oqaluussisartunuku suna eqqartoraat? Atuagassiaaraq 32-nik quppernilik ima qulequtalik Inunnut tamanut atuagaq 1997/98-imi ataatsimeersuarnermi „Guutip oqaasianut upperneq“-mik qulequtalimmi Watch Tower Societymit saqqummersinneqartoq.

Atuagassiaaraq inuit aalajangersimasut eqqarsaatigalugit allanneqarpoq, tassa inuit ilinniarluarsimagaluarlutik Biibilimik ilisimasaqarpallaanngitsut. Taakkua ilaasa amerlasuut Biibili aalajangersimalluinnartumik isumaqarfigaat atuarsimanngisaannaraluarlugu. Atuagassiaaraq allanneqarpoq takutinniarlugu Biibili misissorneqartariaqartoq. Atuartoq Biibilip Guutimit isumassarsiarititaaneranik qulaarunnaarsinniarlugu allanneqarsimanngilaq. Paasissutissat qularnaateqanngitsut saqqummiunneqaannarput. Pingaarniarpaluttumik allanneqarsimanngilaq, ersarissumilli paasinartumillu.

Soorlu qulaani issuarneqartut takutikkaat ataatsimeersuartut oqaluussiartornerminni atuagassiaaqqap atornissaa qilanaaraat. Assersuutigalugu, Frankrigimi aggustip ulluisa 23-anni 24-annilu immikkut suliniuteqartoqarsimavoq inuusuttut hundredetuusintillit silarsuarmi tamarmeersut Parisimi Silarsuarmi Inuusuttut Ulluat-ni katersuummata. Nalunaajaasut 2500-t missaasa (amerlanersaat 16-t 30-llu akornanni ukiullit) atuagassiaaqqat 18.000-it tuluttuut, franskisuut, tyskisuut, Italiamiutuut, Polenimiutuut Spaniamiutuullu agguaappaat.

Atuagassiaaraq Inunnut tamanut atuagaq kiffartornitsinni sapinngisamik atorniartigu. Neriuppugut naqitigaq tamanna iluaqutigissagipput inuit eqqarsarusuttut paasitissallugit namminneq Biibilimik misissuisariaqarnerannik. (wE 1/4 98)