Sooruna Jehovap nalunaajaasui katersuuttartut?

UKIUT tamaasa Jehovap nalunaajaasui tuusintilikkuutaat nunarsuarmi sumi tamaani ataatsimeersuarnernut katersuuttarput. Tamakkunani katerisimaarnertik Biibilimillu unnersuunneqarnertik nuannaarutigisarpaat. Ilaat ataatsimeersuarnernut tamakkununnga najuunniarlutik annertuumik ilungersoqqaartarput. Assersuutigalugu, siorna aappariit 60-it sinnerlugit ukiullit Malawimeersut ernertik nulialu paneeraallu ilagalugit ataatsimeersuariarlutik sikkilerlutik 80 kilometerit ingerlavigisimavaat. Najukkaminnit ullaakkut arfinernut aallarsimapput nalunaaquttallu akunneri 15-it qaangiuttut ataatsimeersuarfissamut apuussimallutik.

Mocambiquemi ataatsimeersuariat ataatsimoortut ulluni pingasuni sikkilerlutik ingerlasimapput. Unnuit ilaanni silaannarmi tammaartillutik eqqaminni liivit qatimaappalui tusaasarsimavaat. Naak liivit qatimaappaluisa tungaannut qisuminernik millooraluartut ullaanngornissaata tungaanut liivit qaninngoorsimapput. Jehovap nalunaajaasua ataaseq ataatsimeersuariaq aqqutaani liivimik naapitsisimavoq. Uneqqissaarluni nikorfaannarsimavoq liivip qimagunnissaata tungaanut. Ataatsimeersuarnermi tamatumani oqaluussisartut angornioqalutik oqaluttuarsimapput ’liivit qarnanit annaanneqarsimallutik’. — 2 Timûtiuse 4:17.

Jehovap nalunaajaasuisa ilarpassui ataatsimeersuarnernut sapaatip-akunneranilu ataatsimiinnernut najuussinnaajumallutik annertuumik ilungersuuteqartarput. (wE 1/3 98)