Pinngortitsisertik nipaatsumik unnersiutigaat

SEQERNUP tarrikkiartortarnera tupinnartaqaaq. Kisianni Italiami Toscanami Apuaniap Qaqqarsuini qaqqap matuma tunuagut seqernup tarrilernera takullugu tassaavoq misigisaq immikkut illuinnartoq.

Ungasianiit isikkoqarsinnaagaluarpoq soorlu seqineq qaqqarsuarmut morsukkiartortoq, tunuanut morsukkiartornani. Tamanna qanoq ililluni pisinnaagami? Nassuiaatissartaa tassaaginnarpoq qaqqap ingiani qaarajunnertaqarnera. Qaarajunnerata tamatuma tulluavissumik atseqaatigaa Monte Forato, isumaqartoq qaqqaq putulik. Nunarsuup kaavinnera pissutigalugu ukiumut marloriaannarluni putukkut isigisut misigisinnaavaat seqineq Monte Foratomut kivilersoq.

Pinngortitarsuit allat assigalugit qilaat uumassuseqanngitsut Pinngortitsisertik unnersiutigaat. Qanoq ilillutik? Soorlu qalipaasup qalipakkap kusanassusia ataqqinaatigisaraa. Qilammi pinngortitat oqaluttuarpullusooq Jehovap pissaaneranik, ilisimassusianik nalannangaassusianillu. „Qilaap oqaluttuaraa Guutip naalannassusia, isuisimasup nalunaarutigaa assaasa piliaat,“ tussiaasiortoq oqarsimavoq. (Tussiaat 19:2; 69:35) Seqernup qilammilu uumassuseqanngitsut Pinngortitsisertik unnersiutigisinnaappassut, annerusumik taamaaliussannginnerpugut! — Tussiaat 148:1, 3, 12, 13.