’Uppinngitsut uniaammik allanertamik uniaqatigeqinasigik’

Ussigit marluk assilissamiittut nukittoorujussuupput, usit oqimaaqisut oqigeqalugit uniarsinnaavaat. Ussiulli aappaa siutituumik taarserneqaraluarpat qanoq issava? Siutitooq ussimmit minnerunini nukikinneruninilu pissutigalugu naliginngisaminik uniaqateqaruni naalliuttussaavoq. Taamaattumik Guuti pissutissaqarluarluni Israelikkut inatsiliorsimavai: „Ussik siutitoorlu ataatsikkut uniartigalugit assallatserissanngilatit.“ — 5 Moses 22:10.

Apustili Paulus tamatumunnga assingusumik ima allappoq: ’Uppinngitsut uniaammik allanertamik uniaqatiginiaqinasigik.’ (2 Korintumiut 6:14) Tamanna pingaarnerusumik tunngatinneqarsinnaavoq aappassamik ujarlernermut. Aappariinneq tassaavoq atattuinnartussaq, Jesus Kristusimi oqarsimavoq: ’Taamaattumik Guutip katititai inuup avissaartissanngilai.’ (Matîuse 19:6) Uppeqatiginngisamut katinneq ajornartorsiutinik annertuunik nassataqarajuttarpoq, najoqqutassatigut siunertarisatigullu. Taamaattumik aappaninnissaq pillugu Biibilimi unnersuussut manna malissallugu silatusaarneruvoq: ’Kisianni Naalakkami pigit.’ (1 Korintumiut 7:39) Uppeqatiginngisamik aappartaarneq ajornartorsiuterpassuarnik nassataqarsinnaavoq, soorlu ussik siutitoorlu uniaqatigiittut.

Uppeqatiginngisamut katinneq ’uniaammik allanertamik’ uniaqatigiinnermut pissutaasut ilaannaraat. Kikkulluunniit aamma uppeqatigiikkaluarunik imminut apereqqaartariaqarpoq: ’Assigiimmik anguniagaqarpugut? Sumi najugaqarusuppugut? Kia aningaasaqarneq isumagissavaa? Tamatta suliffeqassaagut? Meeqqammi? Aappariinnerput inussiarnersuunissamik isumaginninnissamillu ersersitsiviusassava?’

Apeqqutit tamakku oqaloqatigiissutiginerisigut paasineqarsinnaavoq naligiimmik naligiinngitsumilluunniit uniaqateqassanerluni. Soorunami inuit marluk naammalluinnartumik assigeeqqissaarsinnaanngillat. Aappariilli ammasumik attaveqatigiinnermikkut ajornartorsiutaasut aaqqinniarsinnaavaat, taamaalillutik ’uniaammik allanertamik’, tassa naliginngisamik, uniaqateqassanngillat. (wE 15/11 95)