Mikigaluaqaaq sunniinertoqalunili

ROBERT, angut inuusuttoq Canadaminngaanneersoq, Europami angalasimavoq inuunermini siunertani ujarniarlugu. Sorpassuarnik siunissamut ernumatsassutigisaminik takusaqarpoq.

Sevillami Spaniamiittumi kaffisorniartarfimmi issiatilluni Robert naqitaaqqamik Jehovap Nalunaajaasuisa saqqummersissimasaannik tunineqarpoq. Siullermik Robert nalornigaluarpoq. „Taamaakkaluartorli atuarpara,“ oqaluttuarpoq. „Nassuiarsinnaanngilara, kisianni migisimavunga arlaannik inissittoqartoq. Angalaninni, inunnut isumatsannartorpassuit nikallornartorpassuillu takusarsimavakka, pissutsinillu allannguinissamut piginnaaneqannginnera isumatsassutigisarlugu. Naqitaaraq atuareerlugulu eqqarsarpunga: ’Ilumut „silarsuassaq nutaaq“ tamanna piviusunngornissaminut periarfissaqarnerluni?’ Taava eqqarsarpunga: ’Aap, immaqami.’“

Neriuuteqaleqqilluni Robert Jehovap Nalunaajaasuinut Canadamiittunut allappoq, qinnuigalugit uteruni pulaaqqulluni Biibilimillu paasiniaanissaminut ikioqqulluni.

Oqaatsit oqalunnikkut aninneqartut sunniinertusaqaat, oqariartuutilli naqinneqarsimasup sunniisinnaassusia suusupagineqanngisaannassaaq. Biibili tunngavigalugu atuagassiat qanorluunniit mikitigigaluartut killiisinnaassuseqartorujussuupput. Isumamik uummammillu attuisarput, siunissamut qularnaatsumik neriuuteqalersitsisarlutik. — Eprîarit 4:12