’Pinngortitaavunga tupinnangaartumik’

„Suminngaanneerpunga?“ Meeqqat amerlanersaat qaqugukkulluunniit taama aperisarput. Meeqqat anneruleraangamik apeqqutaat itinerulertarpoq: „Inuuneq suminngaanneerpa?“ Apeqqut tamanna ukiuni tuusintilikkuutaani oqallisaajuarsimavoq, ullumikkullu ilisimatuut ilarpassuisa pinngoriartuaarsimanermik isumaliutersuut inuunerup pilerfianik apeqqummut akissutitut silatuutut isigaat. Pinngoriartuaarsimaneraasut tunngaviusumik nassuiaataat tassa inuuneq nalaatsornikkut pilersimasoq.

Ukiut 3.000-it missaanniittut matuma siorna kunngi David ima oqarsimavoq: ’Pinngortitaavunga tupinnangaartumik.’ (Tussiaat 139:14) Inuunermut tunngasunik ilikkagaqarnerujartuinnartilluta oqaatsit taakku ilumuussusiat paasiartuinnartarparput. Fysikeri Fred Hoyle ima allassimavoq: „Biokemikerit inuunerup sananeqaasiata paasiuminaalluinnassusianik tupinnartumik paasisaqarnerujartuinnartillugit nalaatsornikkut pinngorsimasinnaaneranut ilimanaat annikillingaarmat puiuinnagassaavorluunniit. Inuuneq nalaatsornikkut pinngorsinnaasimanavianngilaq.“

Taavami inuuneq qanoq ililluni pilersimava? Atuagassiami matumani ilanngutassiani siullerni marlunni tamanna sammineqarpoq. Paasisaqarnerorusukkuit imaluunniit akeqanngitsumik Biibilimik atuaqqissaaqatigineqarusukkuit uunga allassinnaavutit: Napasuliaq Alapernaarsuiffik, Box 248, 3900 Nuuk.