Imeq inuunartoq

’TUSARTORLU oqarli: aggerna; imerusuttorlu aggerli; piumasullu imeq inuunartoq akeqanngitsumik piliuk.’ (sarĸúmersitat 22:17) ’Imeq inuunartoq’ tassa Jesus Kristusip utertitsissutissatut pilliutaatigut Guutip annaassissutissatut aaqqissugai tamarmik. Aaqqissuussat tamakku uagutsinnut ammapput, akeqanngillallu. Ila Guuti tunisiumatummat! Sooq aaqqissuussat tamakku imermut assersuunneqarpat?

Imivik naasut naasinnaanissaannut inuillu inuusinnaanissaannut pisariaqavippoq. Imeqanngippat naasut inuillu uumasinnaanngillat. Timittalu 65 procentia imiuvoq. Allaat peqqinnissamik ilisimatuut ilaasa siunnersuutigaat timitta ernga oqimaaqatigiissaarniarlugu ullormut 2,4 literimik imertassasugut. Timitta iluani ingerlaatsit tamarmik — aqajaqqup nerisanik uutsisarneranit immikkoortiterisarneranut — imermik pisariaqartitsipput. Sapaatip-akunnera naallugu iminngikkutta toqussaagut.

Taamatuttaaq anersaakkut inuunerput ’imermit inuunartumit’ atatinneqartarpoq. Imeq inuunartoq piumanngikkutsigu inuuneq naassaanngitsoq pisinnaanngilarput. (Juánase 3:36) Pigutsiguli naassaanngitsumik inuusinnaalissaagut. Tupinnanngilaq arnaq Samariamiu Jesusip ima oqarfigimmani iliuuseqarasuarsimammat: ’Imermik tunniukkumasannik imertoq imerusussaavilluinnassavoq, imeq taassumunnga tunniukkumasara iluani puilasunngorumaarmat puilaavassasoq inuunermut naassaanngitsumut.’ (Juánase 4:14) Qanortoq aamma uagut iliuuseqarluarisa imerlu inuunartoq akeqanngitsumik pillugu. (wD 1/9 93)

[Qupp. 32-mi suminngaanneernera]

Garo Nalbandian