Oqaluttuarisaanermi pisimasut pingaarnerpaartaat

Pisimasoq tamanna tassaavoq Jesus Kristusip toqunera. Sooq? Tamatuma Guutip naapertuilluassusia aalajangiuppaa inuullu Guutimut assuarnaalluinnarsinnaanera uppernarsarlugu.

Tamatuma inuiaat Paratiisissami inuunissamik naassaanngitsumik tupinnartunik periarfissippai.

Ulloq toquffissani aqaguttoq unnukkut Jesusip nammineq toqunerminik eqqaaniaalluni nalliuttorsiorneq pilersissimavaa. Nalliuttorsiorneruvoq pilimanngitsoq, tamannalu eqqarsaatigalugu Jesusip ajoqersukkani ima oqarfigai: ’Taamaaliortaritsi eqqaallunga.’ — Lúkarse 22:19, 20.

Illit eqqaaniassaviuk? Jehovap Nalunaajaasuisa qaaqquaatsit ilagalutik oqaluttuarisaanermi pisimasut pingaarnerpaartaat tamanna nalliuttorsiutigeqqullugu. Ukioq manna tamanna pissaaq tallimanngornermi, aprilip ulluisa 17-ianni, seqernup tarrinnerata kingorna. Nalunaajaasut najukkanniittut nalliuttorsiornerup sumiiffissaanik qassinullu pinissaanik tusarniaaffigisinnaavatit. Pulaartut tikilluaqquneqassapput oqalugiaatip paasisaqarfiulluartup tusarnaarnissaanut ileqqulersuutillu pilimanngitsut malinnaaffiginisaannut.