Sooq Jehovap aqqi saqqummersissimavaa?

Apeqqut tamanna atuakkami Bibelimik nassuiaataasumi Polenimi 1964-imi naqiterneqartumi eqqarsaamminartumik akineqarsimavoq. Katuullit Romalerisut ilagiivinit akuerineqarluni dr. Stanisław Łach Lublinip universitetiani professoriusoq oqarpoq:

„Utertinneqartut Guutip aqqanut inuiannut akisussaaffeqarput.“ Israelikkut „Israelikkuunngitsut Jahvep [Jehovap] aqqanik unnersiutiginnissinnaanissaannik mitaatiginninnginnissaannillu“ ilungersuussinissartik akisussaaffigisimavaat. Ateq „Jahve pingaaruteqarpoq. . . . Silamiut atermut tamatumunnga upperfiginnittunut qanoq qisuariarsimanertik naapertorlugu eqqartuunneqarumaarput.“ Professorip oqarneratut „ateq Jahve inuiaqatigiit akornanni pingaartitaajumaarpoq . . . Nunarsuaq tamakkerlugu siaruarumaarpoq. Mosesip eqqarsaataani ateq tamatuminnga siunertaqarpoq.“

Aap, soorlu Malakip allagai 1:10, 11-mi siulittuutitut allassimasoq: „Katersaarsuit Naalagaat [Jehova] oqarpoq: ’. . . Atera inunni pingaartitaaqaaq.’“ Kikkullu ullutsinni nunarsuaq tamakkerlugu ’kinaluunniit Jehovap aqqanik torlorfiginnittoq annassinnaaqqullugu’ oqaluussippat? Jehovap Nalunaajaasui! Allat ’Guutip aterminut ilannguttunik innuttassarsiaanut’, aap, atermut tamatumunnga upperfiginnittunut’ qanoq qisuariarnerat inuunissaannut toqunissaannulluunniit aalajangiisuuvoq. Illit Jehovamut taassumalu Nalunaajaasuinut qanoq qisuariartarpit? — apustilit suliait 2:21; 15:14; naleqqiuguk Malaki 3:16-18. (wD 15/2 90)