Asanninnerup ilaqutariit ataasiusunngortittarai

Ilaqutariinni aatsaat namminissarsiunngitsumik asanninneqarpat ilaqutariinni ataasiussuseq anguneqarsinnaavoq. Asanninneq taama ittoq Jehovamit pilerfeqarpoq, taamaattumillu Guutip anersaavata inerititaanut ilaavoq. (Galâsiamiut 5:22, 23; 1 Juánase 4:8) Misigisimasakkut matuma kinguliani eqqartorneqartukkut ersersinneqarpoq qanoq ililluni asanninnerup Bibelimik ilisimassuteqalernikkut pisartup ilaqutariit ataasiusunngortissinnaagai.

Pionerip Hongkongimi najugallip illumi ningiuusoq taassumalu panii marluk Bibelimik atuaqqissaaqatigisalerpai. Arnalli uiata nuliami upperisarsiortunut ingasaassiniartunut ilanngunnissaanik ernummatiginninnini oqaatigaa. Taamaattumik pionerip arnaq kajumissaarpaa uini atuaqqissaaqatigiinnerminnut ilaanissaanik pilerisaaqqullugu, atuaqqissaaqatigiinnerup qanoq ingerlasarnera takuniassammagu. Uia tamatumunnga akuersivoq. Tamatuma nalaani nulia ataatsimiinnernut najuuttalerpoq. Naapertuilluartumilli meeqqaminik perorsaanissani ajornakusoortippaa; angajulleq naveertuaannarpaa nukarlerli nukatsitaralugu. Aammalu uinilu aappariinnerminni ajornartorsiuteqarput, persuttaakkajuttuullutik, arlaleriarlunilu politiit aggeqquneqartarput. Guutip oqaasia kimittooq ikiortigalugu pionerip nassuiaappai qanoq ililluni aappariittut asaqatigiilluni ingerlasoqarsinnaasoq. Sivitsunngitsoq aappariit ileqqortik allanngortikkiartuaalerpaat ataatsimiinnerillu tamaasa najuuffigisalerlugit. Angerlarsimaffianni pissutsit nuannernerujussuanngorput. Maanna uia pujortartarunnaarsimavoq teokratiimillu ilinniarfimmut ilanngussimalluni, nulialu kuisimalluni oqaluussisartuuvoq.

Taamaalilluni asanninnerup ilaqutariit taakku ataasiusunngortippai. (wD 1/4 89)