„Unneqqarissumik akisoq“

QAQQAMI oqaluutsimini Jesusip ’Inatsisit Pruffiitillu’ issuaaffigai. Allakkani epriia risuuni immikkoortut pingaarnerusut pingajuat Allakkanik taaneqartarpoq taallatut allakkanik Tussiaatinik Ussatinillu imarisaqarluni. (Matîuse 7:12; Lúkarse 24:44) Aamma Guutip ilisimassusianik imaqarpoq.

Assersuutigalugu, Israelitoqqami eqqartuussisut ússatit-ni ima mianersoqquneqarsimapput: ’Iluaatsumut ima oqartoq: „Iluartuuvutit“, taanna inuiaqatigiit perloqqussavaat, inuiaat arlariit uumitsaffigissavaat. Pillaasulli iluanaassapput, pilluaqqussullu ajunngitsoq taakkununnga nalliussaaq. [Unneqqarissumik, NV] akisoq taamaappoq soorlu qarlunut kunissisoq.’ — ússatit 24:24-26.

Eqqartuussisup akiliilluni peqquserluttulisitsisumik imaluunniit eqqarliinnarnik iluanaarutissiuisumik akuersiinnaruni guutiitsorlu iluartuuneraruniuk atorfimminut atorsinnaanngitsutut allanit isigineqassaaq. Aap, allaat ’inuiaat’ atorfimmik atornerluinermik taama ittumik tusarunik asissuisumik qisuariassapput! Kisianni eqqartuussisup qunusuilluni guutiitsoq ilungersortumik oqaaqqissaaruniuk eqqartuussutissamullu unneqqarissumik akissutissaqarluni, taava inuit asassavaat ataqqissallugulu. Inuit ataatsitut isigalugit taassuma pilluaqquneqarnissaanik kissaateqarnissaminnut kajumississapput. Soorlu ussat oqartoq: ’[Unneqqarissumik] akisoq taamaappoq soorlu qarlunut kunissisoq.’

Kunissineq taama ittoq ataqqeqatigiinnermi — unnersuussisup taassumalu unnersuussutaanik unneqqarissumik malussartut akornanni ataqqeqatigiinnermik — eqqartuivoq. Immaqa allaat unnersuunneqartoq akuersortumik qisuariassaaq eqqartuussisumullu tunniusimanermik ersersitsissalluni. Soorlu ússatit 28:23-mi allassimasoq: ’Inummik inerterisoq kingorna iluarineqarneruvoq oqqaminik pitsaasuusaarniartumit.’ Taamaattumik ullumikkut ilagiinni utoqqaanertatut kiffartuutillit aalajangiinerminni ikinngutigiinneq eqqarleriinnerlu aalajangiisuutittariaqanngilaat. Unneqqarissumik pisariaqartumillu unnersuussisarnermikkut utoqqaanertat ilagiinnit ataqqineqalissapput.