Katuulimit nersualaarneqarneq

Nunaannaap aqqusernatigoortilluni Jehovamut Nalunaajaasut ilaat biilimi assakaasuisa ilaannik pullaartoorpoq. Illumut qanittumiittumukarpoq, tassanilu najugallup arnap akuerivaa biilinik iluarsaarsisartumut sianernissaanut. Kingornagut Nalunaajaasup taanna arnaq qutsavigalugu allaffigaa atuagarlu pâratîsime nuname nâgssáungitsumik inûsínauvutit tunissutitut nassiullugu. Arnarlu akilluni ilaatigut ima allappoq:

„Ilumoorfigilluinnarumavakkit. Katuuliuvunga. Matunnut takkuttoqaraangat Napasuliaq Alapernaarsuiffik-mik imaluunniit atuagassianik allanik tunisiniartunik itigartittarpakka. Piumassuserinngisannik atuagassianik tunineqaraangama eqqaavimmut igittarpakka. Mikisunnguuninniilli katuullit upperisaat ilorpianniissimavoq.

Kisianni atuagaatit nuannaraara, pissutigalugu oqaaseq ’paratiisi’ qulequtaaniimmat, aammalu allagartai naqiterneqarnerilu ersareqimmata atuaruminartuullutillu. Apeqqutit quppernerup ataaniittut atuarusulersitsisarput, aammattaaq assiliartai nuannaraakka. Pingaartumik qupperneq 11 nuannaraara, uangami nammineq maani najukkanni uumasunut timmissanullu paratiisimik pilersitsiniarsarivunga. Tuttuusanik, ukallinik, sissinnguanik timmissanillu assigiinngitsunik pulaarteqartarpunga. . . .

Sapiitsuliorujussuarputit katuuleq upperisarsiortut allat atuagaataannik atuartissinnaasimagakku. Ha! Upperisara qimanngisaannassasimagaluarpara, kisianni uigalu tamatta atuagaq atuarparput. Aammalu qujanaq!“

Atuagaq taanna kusanartoq qeratasuumik qaleqarpoq 256-inillu qupperneqarluni. Atuagassiatut uumatut angissuseqarpoq 150-illu amerlatigisut sinnerlugit amerlassuseqartunik assiliartalersugaalluni, amerlanerit qalipaateqarlutik.

Atuakkamik uannga nassilaannga: pâratîsime nuname nâgssáungitsumik inûsínauvutit. Atuakkap nassiunneratalu akiat koruunit 40,00-t giro 9 11 00 38-mut allakkerisarfikkut akilerpara.