únuk erkainiartariakagarput

nisanip 14-iat Israelíkut Ægyptenimit aniguisitaunerata nagdliuterĸigfigâ. ukiut tamaisa Israelíkut uvdlorme tássane aniguisíneĸarsimanertik nagdliútorsiutigissariaĸartásavât ingmíkut ítumik nereĸatigîngníkut. nerineruvdlo nalâne erĸardlerît inûsungnerussortáinut taimanerssuaĸ pisimassut oĸalugtuarerĸigtarpait — savârĸap pôrskisiutaussup aua matserfingnut tarnúneĸartoĸ, Gûtivdlo íngiliata Israelíkut angajugdliliait ĸajagssũkai. — 2 Môrsase 12:21-27.

ukiut 1545-t tamatuma kingornagut ãmátaoĸ nisanip 14-iáne Jesusip nagdliússivik nutâĸ pilersípâ, ajoĸersugaisa pôrskimut taorsiutdlugo nagdliútorsiutigissartagagssât. pilimángitsumik nagdliútorsiordlune Jesusip inûnine vĩnimut timiussamutdlo sêrnarsauteĸángitsumut ássersũpâ. inûnine túniúpâ inuit pivdlugit; táussuma pigdliutâ savârĸamit pôrskisiutaussumit súniuteĸarnerungârpoĸ. (Juánase 1:29) erĸainiagaĸardlunilo únúkorsiortarnigssaĸ pilersíkamiuk Jesus oĸarpoĸ: „taimailiortaritse erĸaivdlunga.“ — Lúkarse 22:19.

Jehovap nalunaiaissuisa ĸaerĸuvãtit ilagalutik nagdliútorsiornigssaĸ tamána najûvfigerĸuvdlugo. ukioĸ mána nisanip 14-iata naligâ sisamángorneĸ aprilip 4-at, seĸernup tarrerêrnerane. nagdliútorsiorneĸ Jehovap nalunaiaissuisa rigssalîne tamane písaoĸ. pivfigssânik Jehovap nalunaiaissue igdloĸarfingnĩtut pâsiniaivfigeriákit.