inûsugtut ’Píngortitsissimingnik erkarsautigingnigtut’
inûsugtut anersâmut túngassunik avdlanit tamanit pingârnerutitsissut ĸavsiúpat? sujusigsumik pêraĸalertarneĸ nunat iláine ímaĸa nalingínaussûvoĸ, sule inûsugtũngûvdlune katítarneĸ ãmalo ilaĸutarîngnik pilersugalertarneĸ imalũnît sujusigsúkut silamiune angussaĸardluarneĸ. inûsugtut kristumiut ãma taimatut iliortariaĸarpat? kristumiut inûsugtut áipaĸángitsut ingminut erdliginatik ikiũkumassut avdlanik nuánârutigssarpagssuaĸarsínaussarput inûsungnermingne ’Píngortitsissimingnik erĸarsautigingningnermingnik’ erssersitsisínaugângamik. — akugdlîssup oĸausê 12:1.
ássersûtigiguvtigo Yokohamame, Japanimĩtume, nukagpiaraĸarpoĸ Yutakamik atilingmik, táuna nugkane Keisuke ilagalugo Jehovap nalunaiaissuisa ilãnik pioneriussumik (tássa: oĸalũssissartutut atorfinigtitaĸ) atuarĸigsâĸateĸartalernikûvoĸ. taimane ĸulingiluáinarnik ukioĸarpoĸ. sapâtip akúnere ardlalialúngue ĸângiúsimalersut arnâta malugilerpâ nukagpiarĸat táuko mardluk píssuserigsârnerulersut; kristumiutut píssusilersulersimáput. taimáitumik nangmineĸ mêrĸane avdlat pingasut ilagalugit atuarĸigsârtalerpoĸ. atâtâta takuleramiuk ĸanoĸ ilaĸútame bîbilimik atuarĸigsârtarnermingne ilíkagkatik nuánârutigitigigait, tauva ãma nangmineĸ atuarĸigsârtalerpoĸ, naggatâgutdlo tamarmik kuisíput.
ĸulinik ukioĸardlune Yutaka ikiortauvdlune pioneríngorpoĸ, tássa oĸalũssissartutut atorfinigtitatut iliûseĸalerdlune. taimailiortarnine ukiut arfineĸ mardluk sivnerdlugit átápâ, klassine mingnernît gymnasiame (tássa: ilíniarnertûgssat ilíniarfiáne) atuarnine tikitdlugo. uvdlãkut pivfigssarujugssuaĸ ĸimugtsuitsut unigtarfiáne autdlartarfiánilo oĸalũssivdlune atortarpâ. nalunaerĸútamik eĸêrsaissartumik ilaĸútane itertíkumanagit, tatdlime igdlua agdlunaussamik ĸilertarpâ taunalo igalãkut ningítardlugo. tauva ikiortitut pionerioĸatigissartagâta avĸusârângamiuk agdlunaussaĸ nusútarâ. ukiut arfineĸ mardluk sivnerdlugit ikiortitut pioneriuvdlune septemberime 1983-ime anguniagkane anguvâ pioneríngorame nalingínaĸ. martsime 1984-ime ilíniarnertûtut soraerúmêrpoĸ.
Takatsukime, Japanimĩtume, Yasuko 9. klasseme atuartûvoĸ. sapâtip akúnere tamaisa angerdlarsimavfingme bîbilimik atuarĸigsârtarnerit arfineĸ mardluk ingerdlátarpai — atuaĸatine tatdlimat ilíniartitsissutdlo mardluk atuaĸatigalugit. Japanime naĸitigârĸap Rigets Tjeneste-mik taigûtigdlup misigissai tamáko sarĸúmersingmagit, ilíniartitsissuminut takutípâ oĸarfigalugitdlo misigissaĸ naĸíneĸarêrmat atuarnertik autdlutdluarneruínarĸuvdlugo.
inûsugtûvdlutik pioneriussarnermíkut imalũnît avdlatut autdlússivdluardlutik kivfartûteĸarnermíkut ’Píngortitsissimingnik erĸarsautigingnigtut’ „atâtap asangningnera“ misigiumârpât, tamánalo silarssûp túniúsínaussainit sunitdlũnît kigsautiginarnerungârpoĸ. „[silarssuame] pilerinartuilo nungujartorput; Gûtivdle perĸussânik nãmagsingnigtoĸ nâgssáungitsumik atásavoĸ.“ — 1 Juánase 2:15-17. (wD 1/10 84)