’Gûtiuna naujartortitsissok’

nautsîvilerissoĸ imalũnît naussorigsaissoĸ íkússuisínauvoĸ, imerterisínauvdlune naggorigsaisínauvdlunilo, kisiáne nikatdlujuitdlune Gûtip íkússugkanik naujartortitsinigssâ utarĸissariaĸarpâ. ãma taimáipoĸ kristumiunut oĸalũssissartûssunut. sôrdlo apustile Paulus ima agdlagtoĸ: „uvanga íkússuivunga, Apuluse imerterivoĸ, Gûtilo naujartortitsivoĸ.“ (1 Korintumiut 3:6) ’tusagagssamik nuánersumik’ inuit avdlat nalunaiáusínauvavut Gûtivdlo oĸausînik soĸutigingnigtut ajoĸersorsínauvdlugit, Gûtivdliuna oĸausiata „nautsîagssaĸ“ naulersíkâ kristumiússutsimutdlo ineritdluínartitsivdlune, taimáitúkut misigissaĸ matuma kingulînĩtoĸ pâsinarsautauvoĸ. — Matîuse 24:14; Lúkarse 8:11-15.

„1953-ime Mableme anânânilo bîbilimik atuaĸatigîgtarnigssarput pilersípara. pingasoriardluta atuaĸatigîgpugut. tamatumûngale Mablep uvia akerdliungârame igdlortik tunivâ, inoĸutigîtdlo tamarmik nûgput. Mablele bîbilimik nuánaringneĸingmat, ĸanoĸ pisimásanersoĸ akulikitsumik erĸarsautigerĸajâssarpara.

ĸáumáme kingugdlerme agdlagkat uko tiguváka, agsut uvavnut iluaĸutauvdluarsimavdlutik pâsingningnigssavnut Jehovap naujartortitsinera túngavigalugo.

’asassara Virginia!

kîsame ukiut táuko ingerdlarêrneráne ilingnut ĸatángutíngorsimavunga. neriugpunga ivdlit isumaliorsimásángitsutit sagdlusuíssut taimaitĩnarsimagiga. ukiut táukorpagssuit ingerdlasimáput, kîsamilo Jehovap anersâvata aulajangernigssavnut píssagtísínausimavânga.

erĸarsautigigajugtarsimavara nautsîagssârĸat táuko ukiut ardlagdlit matuma sujornagut uvavnut ’íkúsimassatit’, mássákutdlo pâsísavat kîsame iluagtíkiga.’“ (wD 15/3 84)